Fizika va kimyo

Mavzuga oid qisqacha nazariy tushunchalar:

Kimyoviy termodinamika asoslari

Termodinamika XIX asrning birinchi yarmida teplotexnika fanining nazariy asosi sifatida yuzaga keldi. Dastlab termodinamikaning vazifasi issiqlik(Q)ning mexanik ish(A)ga aylanish qonuniyatlarini o‘rganish bo‘ldi.

Termodinamika – issiqlik energiyasi bilan boshqa tur energiyalar orasidagi munosabatlarni o‘rganadi.

Kundalik turmushda bir turdagi energiya ikkinchi bir boshqa tur energiyaga aylanadi. Masalan, metall parmalanganda parma qiziydi – mexanik energiyaning bir qismi issiqlik energiyasiga aylandi; elektr toki motorni harakatga keltiradi – elektr energiyasi mexanik energiyaga aylandi; ko‘mir yonganda issiqlik ajralib chiqadi – kimyoviy energiya issiqlik energiyasiga aylandi va x.z. Ammo bunda bir turdagi energiyaning qancha miqdori ikkinchi turdagi energiyaga aylanganligini bila olmaymiz. Buni bilishda termodinamika yordam beradi.

!!!Demak, termodinamika turli jarayonlarda energiyaning bir turdan ikkinchi turga va sistemaning bir qismidan ikkinchi qismiga o‘tishini (masalan, issiqlikni issik jismdan sovuq jismga o‘tishi), shuningdek, berilgan sharoitda jarayonlarning o‘z-o‘zicha borish yo‘nalishi va chegarasini o‘rganadigan fandir.