Физика Механика; Молекуляр физика; Электр ва магнетизм

Айланиш даври деб, жисмни бир марта тўла айланиши учун кетган вақтга иайтилади.
Айланиш частотаси деб, Жисмни 1 секунда айланишлар сонига айтилади.
Бурчак тезлик, бурчак кўчиш, бурчак тезланишлар вектор катталиклардир.
I. БОБ. ДИНАМИКА
Динамика - Жисм харакат қонунларини ва уни харакатга келтирувчи сабаблар билан биргаликда ўрганадиган бўлимдир.
Инертлик деб, жисмни тинч ёки тўғри чизиқли харакат холатини сақлай олиш қоибилиятига айтилади.
Куч деб, бир жисмни иккинчи жисмга таъсирини микдор ва йуналиш жихатидан
характерлайдиган физик катталикка айтилади.
Куч- жисм тезлигини ўзгартирувчи сабаб.
Куч– вектор катталикдир. Куч– динамометр ёрдамида ўлчанади.
Ньютон қонунлари
Ньютоннинг биринчи қонуни Шундай саноқ системалари борки, бунда жисмга таъсир этаётган кучларнинг тенг таъсир этувчиси нолга тенг бўлса, жисм тинч холатини сақлайди ёки тўғри чизиқли текис харакатини давом эттиради.
Ньютоннинг иккинчи қонуни. Жисмни олган тезланиши унга қўйилган кучга тўғри пропорционал жисм массасига тескари пропорционал бўлади.
Ньютоннинг учинчи қонуни. Табиатдаги барча жисмлар бир– бирлари билан миқдор жихатидан тенг, йўналиш жихатидан қарама– қарши куч билан таъсирлашадилар.
Бутун олам тортиш қонуни. Ихтиёрий иккита жисм массалари кўпайтмасига тўғри пропорционал улар орасидаги масофанинг квардратига тескари пропорционал куч билан таъсирлашадилар.
Оғирлик кучи деб Ернинг тортишиш кучига айтилади.
Космик тезликлар
Биринчи космик тезлик деб, Ер атрофида айланма орбита бўйлаб харакатланиши ва Ернинг сунъий йўлдошига айланиши учун зарур бўлган энг кичик тезликка айтилади.
Иккинчи космик тезлик деб, Ернинг тортишиш майдонини енгиб, Қуёш атрофида паробола шаклидаги орбита бўйлаб харакатланиши ва Қуёшнинг сунъий йўлдошига айланиши учун зарур бўлган энг кичик тезликка айтилади.