Fizika-matematika

OʻZBEKISTON RESPUBLIKASI OLIY VA OʻRTA MAXSUS TAʻLIM VAZIRLIGI

NAVOIY DAVLAT PEDAGOGIKA INSTITUTI

“FIZIKA-MATEMATIKA” FAKULTETI
INFORMATIKA OʻQITISH METODIKASI

“INFORMATIKA”FANIDAN

“Mobil operatsion tizimlar” mavzusidagi


KURS ISHI

Bajardi: Latipova.L.B

Ilmiy rahbar: f.-m.f.n.Yodgorov.Gʻ.R
Navoiy-2021

Mundarija.

Kirish

Bugungi kunda yoshlarni yuksak maʻnaviyatli, ijtimoiy-siyosiy hayotda doimo oʻz mustaqil fikriga ega, kasb-hunar mahoratini egallagan shaxs sifatida shakllantirish eng dolzarb, yurtimizning bugungi va ertangi hayotini belgilab beruvchi muhim masala hisoblanadi. Shaxsni shakllantirish keng qamrovli tushuncha hisoblanib, unda bevosita taʻlim va tarbiya masalalari ham oʻrin olgan.

Prezident Sh.Mirziyoyevning 2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini ishlab chiqish boʻyicha qarori asosida taʻlim muassasalarida axborot texnologiyalari oʻnini yanada kengaytirish masalasi ilgari surildi. Harakatlar strategiyasining 4-ustuvor yoʻnalishining 4-bandida “taʻlim muassasalarini qurish, rekonstruksiya qilish va kapital taʻmirlash, ularni zamonaviy oʻquv va laboratoriya asboblari, kompyuter texnikasi va oʻquv-metodik qoʻllanmalar bilan jihozlash orqali ularning moddiy-texnika bazasini mustahkamlash yuzasidan maqsadli chora-tadbirlarni koʻrish” etib belgilangan boʻlib ushbu qaror ijrosi yuzasidan barcha taʻlim muassasalarini zamonaviy axborot telekommunikatsiya vositalari bilan taʻminlash asosiy maqsad etib belgilandi.

Respublikamizda yetuk malakali mutaxassislar tayyorlashga yoʻnaltirilgan taʻlim tizimi ana shunday barkamol shaxsni tarbiyalashni oʻz oldiga maqsad qilib qoʻygan “Kadrlar tayyorlash milliy dasturi”, “Taʻlim toʻgʻrisida”gi qonun taʻlimda olib borilayotgan ishlarning bosh mezoni hisoblanadi. Bu mezon asosida takomillashtirilgan, zamon talablariga javob bera oladigan dasturlar, oʻquv darsliklari yaratilmoqda. Taʻlim muassasalari, xususan, maktablar qayta rekonstruksiya qilinib, zamonaviy andozalar darajasiga tenglashtirilmoqda. Ana shu asosda taʻlim jarayoni ham bevosita shakllantirilib uning samaradorligini oshirishga ahamiyat berilmoqda.

Fan va texnika jadal surʻatlar bilan rivojlanayotgan, axborot oqimlari kengayib borayotgan bu davrda taʻlim tizimida sinf–dars tizimini qayta koʻrib chiqish va unga qayta ishlov berishga ehtiyoj tugʻilmoqda. Xususan, darslarda axborot-kommunikasiya vositalarini qoʻllash va shu orqali ularning natijalarini kafolatlash lozimligi yanada yaqqol namoyon boʻlmoqda.

Barchamizga maʻlumki, taʻlimda olib borilayotgan ishlarning samarasi bir qancha omillarga: darslarni toʻgʻri tashkil eta olish, dars jarayonida axborot-kommunikatsiya texnologiyalaridan toʻgʻri va unumli foydalana olishga bogʻliq. Bu borada hali koʻpgina muammolar haligacha oʻz yechimini topmagan. Bunday muammolarni darslarda axborot-kommunikasiya vositalarini qoʻllash yuzasidan koʻpgina oʻqituvchilarda hali ham koʻnikmalarning shakllanmaganligida, baʻzi holatlarda esa, toʻgʻri foydalana olmaganligida, oʻquvchilarning ana shunday darslarga yetarlicha tayyor emasligi, bunday darslarni bir qator muammolarning yechimi (oʻquvchilarni ijodiy fikrlash, mustaqil fikrlashi, ularning faolligini oshirish masalalari) sifatida koʻra olmasliklarini aytib oʻtishimiz mumkin.

Ana shu masalalar bilan yaqindan tanishish va ularning yechimlarini izlab topishga qaratilgan ushbu kurs ishimizni “Mobil operatsion tizimlar” deb nomladik.

Mobil operatsion tizim.