Fizika kursi

3

. ELEKTR VA MAGNETIZM 

 

IX -BOB. ELEKTROSTATIKA 

 

9.1- . Kulon qonuni 

 

 

Qadimgi grek olimlari qahraboni junga ishqalaganda turli yengil 

buyumlarni  o‘ziga  tortishini  payqaganlar.  Grek  tilida  qahrabo  elektron 

degan  ma’noni  anglatadi.  “Elektr”  degan  so‘z  shundan  kelib  chiqqan. 

Keyinchalik  qahrabodan  tashqari  shisha,  ebonit,  olmos,  oltingugurt, 

smola va boshqa jismlar ham yumshoq materiallarga - ipak, charm, jun, 

mo‘ynaga  ishqalanganda  ikki  xil  elektrlanish  hosil  bo‘lishi  aniqlangan. 

charmga  ishqalangan  shishada  -  musbat  elektr  zaryadi,  charmda  esa  - 

manfiy  elektr  zaryadi  vujudga  kelishi  shartli  belgilandi.  Bir  xil  ishorali 

zaryadlar  bir-birini  itaradi,  har  xil  ishoralilari  esa  o‘zaro  tortishadi. 

Barcha  elementar  zarrachalarning  zaryadi  absolyut  qiymati  jihatdan 

birday bo‘ladi. Bu zaryadni e harfi bilan belgilanadi. Tabiatdagi jismlar 

tarkibida  turli  ishorali  zaryadlarga  ega  bo‘lgan  zarralar  miqdori  teng 

bo‘ladi.  Bunday  jismlarning  har  biri  elektr  nuqtai  nazaridan  neytral 

bo‘ladi.