Физика ўҚитиш методикаси ташкент 2019 Ўзбекистон республикаси олий ва ўрта

ЎҚИТИШНИНГ АСОСИЙ ФОРМАСИ -ДАРС. ДАРС ТУРЛАРИ
Маъруза режаси:
1. Дарс нима?
2. Дарсга қўйиладиган талаблар
3. Дарс ўтиш усуллари
4. Дарс турлари
Дарс нима?
Таълим олиш ва бериш жараёнининг асосий шакли.
Ҳақиқий дарс нима?
Бу шундай дарски, ҳаммага ва ҳамма нарсага вақт етади.
Очиқ дарс нима?
Бошқалар учун ўрнак бўладиган янгилик, педагогик маҳорат ва ижодкорлик аниқ кўринадиган намунали ўқитиш шакли.
Намунали дарс бериш усули нима?
Ўқитувчининг юқори натижа кафолатланган дарс бериш усули.
Дарсга қўйиладиган талаблар

• 
  Ҳар бир дарс аниқ мақсадни кўзлаган ҳолда режалаштирилиши ёки лойиҳаси тузилиши лозим. Бу жараёнда ўқитувчи дарснинг таълими ва тарбиявий мақсадини белгилайди. Дарс босқичларини, яъни қандай бошлаш, янги материални қандай ўтиш, қандай тамомлаш, кўргазмали ва бошқа дидактик материаллардан қандай фойдаланиш кабиларни олдиндан ҳал қилиб олади;
  
• 
  Ҳар бир дарс аниқ ғоявий изланишга эга бўлиши лозим;
  
• 
  Ҳар бир дарс мактабнинг ижтимоий муҳит имкониятини ҳисобга олган ҳолда амалиёт билан боғланиши, кўргазмали воситалар билан жиҳозланиши шарт;
  
• 
  Дарс учун ажратилган вақт ва унинг дақиқаларидан тежамкорлик ва унумли фойдаланиш талаб қилинади;
  
• 
  Дарс жараёнида ўқитувчи ва ўқувчи ўзаро фаол муносабатда бўлиши шарт, ўқувчи-талаба пассив тингловчига айланмаслиги керак;
  
• 
  Машғулотлар бутун синф ва ҳар бир ўқувчи билан, уларнинг шахсий хусусиятларини эътиборга олган ҳолда олиб борилиши юқори самара беради;
  
• 
  Дарснинг мазмуни ва характерига қараб халқимизнинг бой маънавий меросидан унумли фойдаланиш мақсадга мувофиқдир.
  

Дарсга керакли меъёрий ҳужжатлар

• 
  Намунавий ўқув дастури
  

• 
  Ишчи ўқув дастури
  

• 
  Тақвимий ўқув режа
  

• 
  Технологик харита ёки дарс ишланмаси
  

• 
  Маърузалар матни ва дарслик
  

• 
  Ўқув қўлланма
  
• 
  Дидактик материаллар
  

Замонавий дарс деганда – ўқитувчи ўқувчининг мавжуд имкониятларидан усталик билан фойдаланиб , унинг ақлий салоҳиятини ишга солиб, ривожланишини таъминлай оладиган машғулот тушунилади.
Замонавий дарс мезонлари

• 
  Дарс ўқувчи ва талаба шахсига йўналтирилган бўлиб, ўқитувчи ва ўқувчининг ўзаро фаол муносабатларига асосланади;
  
• 
  Дарс жараёни табақалаштириш ва ўқувчи-талабаларнинг шахсий қобилиятларига ёндашув асосида амалга оширилади;
  
• 
  Дарс ўқувчи-талабаларнинг юқори даражадаги қизиқиши, ақлий фаоллиги ва муваффақиятига эришувига қаратилади;
  
• 
  Дарс педагогиканинг барча турдаги методологик асослардан келиб чиқиб амалга оширилади;
  
• 
  Дарсга бериладиган билим мазмунига кўра турли педагогик усул ва услублардан фойдаланилади;
  
• 
  Дарсда назарий ва амалиёт ўзаро боғлиқликда талқин этилади;
  
• 
  Дарс сифат ва самарадорлигини таъмин этувчи назорат турларидан фойдаланилади;
  
• 
  Дарсда вақтдан унумли ва мақсадли фойдаланилади;
  
• 
  Дарс мажму ёндашув тамойили асосида амалга оширилади.