Fizika fakulteti astronomiya yo’nalishi 1801- guruh talabasi Allamova Irodaning Fuqarolik jamiyati fanidan oraliq nazorati

3- savol. O’zbekistonda yoshlarga oid davlat siyosati.

Hozirgi davrda O’zbekiston aholisining 60 foizidan ko’pini yoshlar tashkil etadi. Mamlakatda yuritilayotgan kuchli davlat siyosati o’zining mustahkam huquqiy asoslariga egadir. Bu siyosat O’zbekiston Respublikasi Konstitutsiyasi qoidalarida, ushbu sohaga tegishli 22 qonunda o’z ifodasini topgan. Mamlakatimiz mustaqillikka erishganidan so’ng qabul qilingan dastlabki qonun hujjatlaridan biri-bu 1991 – yil 20- noyabrdagi “O’zbekiston Respublikasida yoshlarga oid davlat siyosatining asoslari to’g’risida “ gi qonundir.

Mamlakatdagi yoshlarga oid davlat siyosati muhim siyosiy yo’nalish sifatida izchil jarayon bo’lib, u yoshlar mavqei va hayoti bilan bog’liq bo’lgan voqealikning bosh xususiyatlarini o’zida mujassam etadi. Ya’ni yoshlarga oid davlat siyosati yoshlar hayotini demokratik tamoyillar asosida ijtimoiy tashkillashtirish, yoshlar va davlat o’rtasidagi munosabatlarni pozitiv asosda qurish, yoshlar manfaatlari va qadriyatlarining davlat manfaatlari bilan muvofiqligini ta’minlash uchun olib borilgan sa’y- harakatlar va maqsadlar majmuini tashkil qiladi.

• 
  Yoshlarga oid davlat siyosatining asosiy yo’nalishlari quyidagilardan iboratdir:
  
• 
  yoshlarning huquqlari,erkinliklari va qonuniy mafaatlarini ta’minlash;
  
• 
  yoshlarning hayoti va sog’lig’ni saqlash;
  
• 
  yoshlarning ma’naviy, intellektual, jismoniy va axloqiy jihatdan kamol
  

topishga ko’maklashish;

• 
  yoshlar uchun ochiq va sifatli ta’limni ta’minlash;
  
• 
  yoshlarni ishga joylashtirish va ularning bandligi uchun shart-sharoitlar
  

yaratish;

• 
  yoshlarning huquqiy ongi va huquqiy madaniyati darajasini yuksaltirish;
  
• 
  yoshlar tadbirkorligini rivojlantirish uchun shart- sharoitlar yaratish.
  

2016-yil 14-sentyabrda yangi O’zbekiston Respublikasining “Yoshlarga oid davlat siyosati to’g’risida”gi Qonuni qabul qilinib (mazkur qonun asosida O’zbekiston Respublikasining 1991-yil 20-noyabrda qabul qilingan “O’zbekiston Respupublikasida yoshlarga oid davlat siyosatining asoslari to’g’risida” gi Qonuni bekor qilindi), u 4 ta bob, 33 ta moddada mujassamlashdi. U oldingi qonundan fuqarolik jamiyati talablariga javob berishi, yoshlarni ijtimoiy himoyalashga qaratilganligi bilan ajralib turadi.

Mustaqillik davrida yoshlar tarbiyasi, ular orasida sog’lom turmush tarzini targ’ib qilish, jinoyatchlikning oldini olishda, bandlikni ta’minlashda Kadrlar tayyorlash Milliy dasturi, “Bola huquqlarining kafolatlari to’g’risida”, “Ta’lim to’g’risida”, “Aholini ish bilan ta’minlash to’g’risida”, “Jismoniy tarbiya va sport to’g’risida”, “Voyaga yetmaganlar o’rtasida nazoratsizlik va huqubuzarliklarning profilaktikasi to’g’risida”, “Vasiylik va homiylik to’g’risida”gi kabi bir necha qonun va dasturlarning qabul qilinishi muhim ahamiyat kasb etdi.