Fitoterapiya

1. Oddiy oq qaldirmoq (Tussilago farfara) Мать и мачеха. (to‘liq ma’lumot IV bobda berilgan).
Farmakologik xossasi. O‘similik bargi tarkibidagi biologik faol moddalar kompleksi hisobiga uning yallig‘lanishga qarshi va boshqalardan tashqari bakteroistatik ta’siri mavjud.
Ishlatilishi. Yuqori nafas yo‘llarini yallig‘lanishdan tashqari o‘simlik bargini qaynatmasi va damlamasi nam bog‘lam kompleks, malxam, primochka, vanna shaklida dermatologiyada – teri yiringli kasalliklarida, furuiklyozda, mayda yaralarda, boshning yiringli dermatozlarida qo‘llanadi.
2. Suli (Avena sativa) Овёс полевой
Suli bir yillik ozuqa o‘t o‘simlik. U don sifatida oziq-ovqat tibbiyot va kanditer amaliyotida keng ishlatiladi.
Кimyoviy tarkibi. Don tarkibida quyidagi foydali moddalar saqlanadi: 10-16% oqsil, 3,3% almashtirib bo‘lmaydigan aminokis- lotalar, 6,7% almashtirib bo‘ladigan aminokislotalar, kraxmal, glyukoza, fruktoza va turli mikroelementlar, vitaminlar V, karotin, E bor.
Suli tarkibida oqsillar, uglevodlar, yog‘lar va vitaminlarni ko‘p miqdorda bo‘lishi, uni almashib bo‘lmaydigan parxez uchun va davo ko‘rsatadigan don sifatida qaraladi. Shuning uchun u oziq- ovqat etishmovchiligi va kasallik tufayli ozib quvvatsizlanib ketishda, oshqozon-ichak kasalliklari, kamqonlik va boshqa xastaliklardan tashqari dermatologiya amaliyotlarida ham ishlatiladi. Chunonchi terini normal trofikasini ta’minlash maqsadida tarkibidagi V vitamini va boshqa biologik faol moddalar hisobiga ekzemada, surunkali dermatitlarda hamda bolalarda uchraydigan diatezda ishlatilganda ijobiy natijalar qayd qilingan.
Teri kasalliklarini mahalliy davolashda tozalanmagan donning suli qaynatmasi, malxami, primochkasi qo‘llanadi. Qaynatmasi dokadan o‘tkazib vanna qilish uchun suvga qo‘shiladi.
Suli don tolqonidan tayyorlangan maska kosmetikada so‘lib qolgan terining quruq bo‘lishida ishlatiladi.
Vanna uchun 0,5 yoki 1kg maydalangan suli poxoliga 10 litr suv solinadi va qaynatiladi, 30 daqiqa sovigandan so‘ng yuvinish yoki vanna uchun ishlatiladi.