Filosofiya uzb

Ong  va  axborot.  Keyingi  yillarda  «Informatsion  portlash»  tushunchasi  ham  tez-tez 
ishlatilmoqda.  XX  asrning  eng  muhim  yutuqlaridan  biri  bu  komp`yuterlarning  yaratilganligidir. 
Ularning  yaratilishi  bir  tomondan  inson  ongi,  tafakkuri,  kuch  -  qudratining,  ikkinchi  tomondan,  ana 
shu  kuchga  tushadigan  yukning  engillashishiga  xizmat  qiladigan  vositani  yaratish  yo`lidagi 
urinishlarning  natijasi  bo`ldi.  Asrimizning  o`rtasida  paydo  bo`lgan  bu  vosita  shiddatli  rivojlanish 
yo`lini  bosib  o`tdi.  Dastlab  sekundiga  minglab  operatsiyalar  bajara  oladigan  komp`yuterlar  bo`lgan 
bo`lsa, ularning bugungi avlodi q0 millionlab murakkab operatsiyalarni qoyilmaqom qilib uddalaydi. 
Ayirim  tadqiqotlar  natijalariga  ko`ra,  hozirgi  davrda  fan  sohasida  erishilgan  natijalar  har  o`n 
yilda, informatsiya olish esa har e-r yilda ikki barobarga oshmoqda. Ana shunday sharoitda inson ongi, 
uning  xotira  qudrati  bu  axborotlarni  o`zlashtira  oladimi,  degan  savol  ko`ndalang  bo`lmoqda.  Yangi 
bilimlar,  axborot  oqimi  unchalik  kuchli  bo`lmagan  yaqin  o`tmishda  tirishqoq  kishi  insoniyat  bilimi 
erishgan asosiy natijalarni o`zlashtira olar edi.