Fermer xo'jaligiga suv etkazib berish to'G'risida

3.2. “Etkazib beruvchi”ning majburiyatlari:
a) hisobot davri boshlanishidan kamida 10 kun oldin,yani sug'orish davri uchun suv iste’moli rejasini yilning 20 mart kunigacha, kuzgi-qishki mavsum uchun yilning
20 sentyabr kunigacha ko'rsatilgan suv xo'jaligi xizmatlari uchun to'lovlar to'g'risidagi ma’lumotlarni har oyning 5 sanasigacha hamda yillik to'lovlar to'g'risidagi ma’lumotlarni esa yilning 20 dekabr kunigacha “Iste’molchi”ga taqdim etish;
b) “Iste’molchi”ga mazkur shartnomaning 1 va 2-ilovalarida tasdiqlangan suv iste’moli rejasiga asosan ajratilgan suv olish limitlarini belgilash hamda ushbu ajratilgan limit bo'yicha o'z vaqtida suv etkazib berishni ta’minlash;
v) limit buyicha “Iste’molchi”ga suvni ro'yxatga olingan va ilovalarda ko'rsatilgan manbalardan etkazib berish;
g) “Iste’molchi”ning talab va takliflarini inobatga olgan holda, oylik suv olish grafigini ishlab chiqish;
d) mazkur shartnomaga yoki suvga bo'lgan ehtiyojdan 10 kun oldin berilgan yozma talabnomaga asosan “Iste’molchi”ga ajratilgan limit doirasida suvni etkazib berish;
e) manbada suv kamaygan yoki ko'paygan hollarda, favqulodda shart-sharoitlarda hamda irrigatsiya tizimlari havza boshqarmasi tomonidan suv limitlariga o'zgartirishlar kiritilganda, bu haqida “Iste’molchi”ni zudlik bilan yozma ravishda xabardor qilish;
j) “Iste’molchi”ga berilgan suvning hisobini yuritish hamda suvning berilgan
va to'xtatilgan vaqtini, miqdorini “Iste’molchi”ning vakili ishtirokida qayd etib borish;
z) “Iste’molchi”ning talabiga ko'ra, ko'rsatilgan xizmatlar va amalga oshirilgan to'lovlar to'g'risidagi ma’lumotlarni taqdim qilish;
i) “Iste’molchi”ning hududi chegarasidagi suv olish joylarida suv o'lchash vositalarining (gidropostlar) o'rnatilishini hamda suvning hisob-kitobi to'g'riligini ta'minlash. Bunda, suv o'lchash vositalarining to'g'riligiga shubha bo'lgan taqdirda, navbatdan tashqari qo'shimcha o'lchov o'tkazish.
l) har kuni soat ertalab 7:00 va kechki soat 19:00 larda “Iste’molchi”ning vakolatli shaxsi bilan suv beriladigan joylarda suvning hisobini yuritish (bunda “Iste’molchi”ning vakolatli shaxsi kelmagan hollarda suv hisobi bir tomonlama yuritiladi) hamda har oy yakuni bilan o'zaro dalolatnoma rasmiylashtirib borish.
“Etkazib beruvchi” qonun hujjatlariga va ushbu shartnomaga muvofiq boshqa majburiyatlarni ham bajaradi.