Ферментлар

Фермент Субстрат Оптимум рН пепсин Тухум альбумини 1,5 α-амилаза (солод) Крахмал 4,5 Плазманинг кислотали фосфатазаси 2-глицерофосфат 4,5-5,0 α-глюкозидаза α-метилглюкозид 5,4 Уреаза Мочевина 6,4-6,9 Трипсин Оқсиллар 7,8 Панкреатик α-амилаза Крахмал 6,7-7,2 Карбоксипептидаза А Ҳар хил субстратлар 7,5 Плазманинг ишқорий фосфатазаси 2-глицерофосфат 9-10 Аргиназа аргинин 9,5-9,9

Фермент активлигига температуранинг таъсири.

Кимёвий реакциялар тезлигига температура таъсири ҳақидаги Вант-Гофф қонуни фақат маълум температура оралигида ферментатив реакцияларга ҳам тегишли. Температура 40-50^оС дан ортиши билан ферментларнинг активлиги денатурация туфайли йўқолади. Бундан келиб чиқадики, ферментатив реакциялар учун температура оптимуми мавжуд. Лекин айрим термофил бактерияларнинг ферментлари 100^оС да ҳам активлигини йўқотмайди.

Кооператив эффектлар ва регулятор ферментлар.

Битта актив марказли ферментлар одатда Михаэлис кинетикаси бўйича ишлайди. v нинг S га боглиқлик графиги гипербола шаклига эга. Бир неча актив марказли ферментлар муайян таъсир этиш кинетикасига эга эмас.
Агар ҳар хил суббирликлардаги актив марказлар кинетик мустақил ҳолатда бўлса v нинг S га боғлиқлик графиги гипербола шаклига эга бўлади; агар актив марказлар ўзаро таъсирлашган ҳолатда бўлса (улар кооператив ишлайди) график сигмоидал шалда бўлади. Бундай ишлаш тури ҳужайра ичидаги муҳим регулятор функцияларини бажарувчи бир қатор олигомер (кўп функционал) ферментларда кузатилади.
Регулятор ферментларнинг активлиги маълум метаболитлар билан қайтар равишда ингибирланади ёки стимулланади. Бундай метаболитлар аллостерик эффекторлар дейилади. Аллостерик эффекторлар одатда субстрат ёки реакция маҳсулоти билан структуравий ўхшашликка эга эмас, балки регулятор марказлари деб аталадиган махсус қисмлари билан бирикади. Аллостерик эффекторлар активлиги ингибирланадиган ёки стимулланадиган (модулланадиган) ферментлар аллостерик ферментлар дейилади (Ж.Моно).
Айрим ферментларнинг таъсир механизми.