Features of the development of modern science in the pandemic’s era: collection of scientific papers «scientia» with Proceedings of the I international Scientific and Theoretical Conference (Vol. 1)

Финландия
божхонасининг ўзига хослиги шундаки, унда ресурслар шу жумладан 
шахсий таркиб сони ҳам унчалик катта эмас. Ушбу давлат божхона хизматларида 2,2 минг 
нафар ходим хизмат қилади ва улар томонидан йилига давлат бюджетига 10 млрд. евро 
(давлат бюджетини 30%) миқдорида божлар ундирилади. Бу шароитда божхонадаги 
фаолиятдан шахсий фойдани кўзлаб эмас, давлат бюджетига фойда келтирувчи ташқи 
савдони юритилишига аҳамият қаратилади. Финландия божхона хизматининг ташкилий 
тузилмаси бюрократик давлат ташкилотини эмас, тижорат ташкилотини эслатади. 
Ушбу давлат божхона хизматида асосий эътибор янги кадрларга қаратилади. 
Мутахассисларнинг ҳар томонлама тайёрланиши билан хизматнинг ўзи шуғулланади. 
Шунингдек, божхона хизмати ўзининг махсус Божхона мактабига эга бўлиб, амалиётда 
фаолият олиб бораётган ходимлар ўқитувчи ва инструкторлик вазифаларига 
тайинланадилар. Финландия божхонасида коррупцияга қарши курашиш сиёсати божхона 
операцияларининг соддалиги ва тушунарлилиги ҳамда кадрларни танлаш билан боғлиқ 
жараёнларнинг бюрократия ва протекционизмдан ҳолилиги асосида юритилади. 
Нидерландия
божхона хизматида коррупцияга қарши курашиш тизими Жамоат 
адолатлилиги ва коррупциянинг сабабларини тизимли бартараф этиш Стратегияси асосида 
қурилган. Бу стратегия ўз ичига институционал, ташкилий ва тартиботлардан иборат 
комплекс чора-тадбирларни олади. Бу чора-тадбирлар божхона органлари томонидан 
амалга оширилган операцияларни коррупция содир этилиши мумкин бўлган йўналишлар 
бўйича йиллик кескин мониторингини ўтказиш орқали амалга оширилади. Шунингдек, 
Нидерландия божхона хизматида қонунчиликка риоя қилинишини назорат қилиш билан 
шуғулланувчи ички хавфсизлик хизмати мавжуд. Ушбу давлатда коррупцияга қарши 
курашишда асосий ролни коррупция ҳолатлари бўйича текширув ва ўрганиш ишларини 
амалга ошириш ваколатига эга оммавий ахборот воситалари эгаллаган. Шу сабабли, 
Нидерландия божхона хизматларидаги асосий жиҳат барча божхона тартиботларининг 
шаффофлиги, ҳисобдорликни мавжудлиги ва етказилган зарар ҳамда йўл қўйилган 
камчиликларни ўз вақтида назорат қилиб бориш билан шуғулланувчи ички хавфсизлик 
хизмати фаолиятининг йўлга қўйилганлиги билан белгиланади. 
Халқаро тадқиқотлар шуни кўрсатадики,