Features of the development of modern science in the pandemic’s era: collection of scientific papers «scientia» with Proceedings of the I international Scientific and Theoretical Conference (Vol. 1)

Список використаних джерел: 
1.
Про місцеве самоврядування в Україні: Закон України від 21.05.1997 № 280/97-ВР. URL: 
https://zakon.rada.gov.ua/laws/show/280/97 (дата звернення 26.11.2021). 
2.
Про Конгрес місцевих та регіональних влад при Президентові України. Указ Президента 
України №73/2021. URL: https://www.president.gov.ua/documents/732021-36833; 
3.
Підготовка Муніципального кодексу України – перше завдання Конгресу. URL: 
https://decentralization.gov.ua/news/13284. 

---

December 3, 2021 | Berlin, Germany | Collection of scientific papers «SCIENTIA»
 
. 
109
Раҳимов Сарварбек Абдумуталлибжонович 
Давлат божхона қўмитаси Божхона институти Факултет бўшлиғи ўринбосари 
божхона хизмати маёри Ўзбекистон Республикаси 
БОЖХОНАДАГИ КОРРУПЦИЯГА ҚАРШИ 
КУРАШИШ БЎЙИЧА ХАЛҚАРО ТАЖРИБА 
Аннотация: 
мақолада муаллиф томонидан божхонадаги коррупцияга қарши курашиш бўйича 
халқаро тажрибалар ёритиб ўтилган бўлиб, ривожланган ва ривожланаётган мамлакатлар 
амалиётида амалга оширилган ислоҳотлар, қўшни мамлакатлардаги ҳолатларга баҳо берилган. 
Коррупцияга қарши курашиш йўналишида комплекс чора-тадбирларни амалга ошириш юзасидан 
муаллиф қарашларини баён этган.

 
Кириш 
Глобаллашув жараёнлари дунё мамлакатларида умумий ривожланиш тенденциялари 
билан бир қаторда ўхшаш ёки айнан бир хил муаммоларни юзага келишига ҳам туртки 
бўлди. Айнан шундай муаммолардан бири коррупция таҳдиди ҳисобланади. 
Илдизи қадимги дунё халқларига бориб тақалсада коррупцияга қарши курашишнинг 
аҳамияти кундан кунга ортиб бормоқда. Бу ўз навбатида халқаро майдонда бўлаётган жадал 
ўзгаришлар билан боғлиқ. 
Хусусан, давлатлар иқтисодиёти ўзаро боғлиқлиги ва ҳеч бир давлат дунёдан 
ажралган ҳолда ривожлана олмаслиги тўғрисидаги Сакс назарияси нуқтаи назаридан олиб 
қаралганда, бир давлатда мавжуд коррупцион ҳолатларнинг таъсири бошқа давлатларга 
ҳам бевосита ёки билвосита билинмоқда. 
Биргина мисол келтирадиган бўлсак, ЕвроОсиё иқтисодий иттифоқи (ЕОИИ) аъзоси 
ҳисобланган Қирғизистон Республикасидаги божхона соҳасида содир этилган 
коррупциявий жиноятлар туфайли бошқа аъзо давлатлар хусусан Қозоғистон Республикаси 
томонидан қўшни давлат раҳбариятига турли эътирозлар билдирилишига сабаб бўлган. 
Бу каби ҳолатлар божхонадаги коррупцияга қарши курашиш борасида чора-
тадбирларни жонлантириш ва халқаро тажрибани чуқур ўрганишни тақозо этади. 
Коррупциянинг бошқа турларидан фарқли равишда божхонадаги коррупция 
тушунчаси халқаро майдонда кенг қўлланилмоқда. Шу ўринда, божхонадаги коррупция 
тушунчаси остида божхона органлари мансабдор шахслари томонидан ўз ваколатларини 
шахсий манфаатларини кўзлаб суиистеъмол қилишлари ҳисобланади
1
. 
Шунингдек, Бутунжаҳон божхона ташкилоти томонидан илгари сурилаётган ёндашув 
бўйича божхона органларида коррупцияга қарши курашиш борасида амалга оширилаётган 
ишларни шартли равишда икки гуруҳга ажратиш мумкин: 
1. тарбиявий-профилактик чора-тадбирларни амалга ошириш ва интизомий жазо 
қўллаш; 
2. коррупция фактларини аниқлаш орқали жиноий жавобгарликка тортиш.