Fazoviy tahlilni tamiynlovchi jarayonlar Reja

1.Tarmoqni trassalash. Bunda foydalanuvchi bergan kriteriy (mezon)lar orqali tarmoqdagi kerakli yo‘l izlab topiladi. Masalan, eng yaqin bo‘lgan (tarmoq ichida) bankomat yo‘lini topish.

2. Tarmoqni marshrutlash. Bu orqali chiziqli tarmoqlar bo‘ylab optimal yo‘lni aniqlash amalga oshiriladi. Bunday mezonlar jumlasiga eng qisqa masofa, tez eltadigan masofa yoki tarmoqdagi ma’lum bir joydan boshqa bir joygacha kamxarajatli yo‘lni kiritishimiz mumkin (4.27-rasm).

3. Tarmoqni joylashtirish. Bu orqali tarmoq ichidagi markaziy joylar yoki muhim obektni aniqlash ishlari olib boriladi. Bunday obektlar jumlasiga o‘t o‘chirish stansiyasini kiritishimiz mumkin. Tarmoq tahlilida o‘sha stansiyaning xizmat qilish qamrovi va masofasi tahlil qilinadi. Bundan tashqari, boshqa stansiyalarni aniqlash orqali qaysi stansiya voqea yuz bergan joyga birinchi bo‘lib etib borishi ham aniq bo‘lib qoladi.




4.27- rasm. Tarmoq tahlili asosida eng qisqa masofani aniqlash
(Manba: Bxatta, 2008)
11. Er yuzasi tahlili
Er yuzasi rastr DEM (raqamli relef modeli) orqali yanada yaxshiroq tasvirlanishi mumkin, biroq vektor ko‘rinishidagi triangulatsiya tarmoqlari orqali ham samarali tasvirlanadi. Geografik axborot tizimi uchun er yuzasining tahlili juda muhim hisoblanadi.
GAT orqali biz berilgan joyning yuzasini kosmik rastr suratlar orqali uch o‘lchamli (3D) tasvirini, ko‘z orqali yoki GAT fazoviy tahlili asosida joyning relefli modelini barcha tafsilotlari bilan yaratib, keyin ko‘rishimiz mumkin.
Er yuzasi tahlili natijasida o‘zimizga kerakli bo‘lgan ma’lumotlarni qisman olishimiz mumkin. Bu tahlil quyidagi savollarga javob topishda katta rol o‘ynaydi, jumladan:

• 
  Bir xil relefdagi nuqtalar qaysilar?
  
• 
  Er yuzasining qaysi qismlari bir xil yo‘nalgan?
  
• 
  Er yuzasidagi kimyoviy moddalarning kamayishi va tarqalishi qanday tartibda joylashgan?
  

Er yuzasi tahlili, o‘z navbatida, bir nechta tahlil bo‘limlariga bo‘linadi va quyida ular haqida tushunchalar berilgan.