Фавқулодда вазиятларнинг олдини олиш соҳасидаги давлат сиёсати қандай шаклланади?

Табиий ФВлар билан боғлиқ муаммоларни ҳал қилиш бўйича қандай тадбирлар амалга оширилади?

Табиий хусусиятли фавқулодда вазиятлар билан боғлиқ муаммоларни ҳал қилиш чоралари
Аҳоли ва ҳудудларни табиий фавқулодда вазиятлардан муҳофаза қилиш соҳасидаги асосий фаолият йўналишлари қуйидагилардан иборат:
1. Меъёрий-ҳуқуқий базани ҳар томонлама такомиллаштириш;
2. Табиий офатлар билан боғлиқ хавфларни баҳолаш усулларини ишлаб чиқиш, ушбу усуллардан юзага келиши мумкин бўлган хавфларни башоратлаш ҳамда баҳолашда фойдаланиш;
3. Табиий атроф-муҳитни, айниқса хавфли ҳудудлар ҳолатини мониторинг қилиш;
4. Республиканинг сейсмик хавфли ҳудудларида бинолар, иншоотлар, айниқса мактабгача таълим муассасалари, мактаблар, касалхоналар, поликлиникалар, ижтимоий ва маданий объектларнинг, одамлар кўп тўпланадиган жойлар ва бошқа объектларнинг сейсмик барқарорлигини таъминлаш бўйича ишларни олиб бориш;

5. 
   Табиий хусусиятли фавқулодда вазиятларнинг олдини олиш, уларнинг оқибатларини минималлаштириш бўйича чора-тадбирларни амалга ошириш.
   
6. 
   Куч ва воситаларни тайёрлаш, уларнинг табиий хусусиятли фавқулодда вазиятларни бартараф этиш бўйича муаммоларини ҳал қилишга тайёргарлигини таъминлаш.
   
7. 
   Аҳолини табиий фавқулодда вазиятларда ҳаракат қилишга тайёрлаш.
   
8. 
   Табиий хусусиятли фавқулодда вазиятларда аҳолининг бирламчи ҳаёт фаолияти таъминланишини кафолатлайдиган моддий, техник, озиқ-овқат ва тиббий захираларни яратиш;
   
9. 
   Фавқулодда вазиятларда аҳоли ва ҳудудларни муҳофаза қилиш бўйича халқаро ҳамкорликни ривожлантириш.
   

Табиий хавфсизликни таъминлашга оид асосий стратегия хавф даражасига қараб ҳудудларни районлаштириш, авариялар ва техноген фалокатларнинг олдини олиш бўйича чора-тадбирларни амалга ошириш, уларнинг оқибатларини бартараф этиш учун кучлар ва воситаларни тайёрлаш ва керак бўлганда қутқарув ва бошқа кечиктириб бўлмайдиган ишларни амалга ошириш, табиий хавфсизлик бўйича давлат назоратида иштирок этиш, зарарланган аҳолини ижтимоий ҳимоя қилиш ва бошқа бир қатор масалаларни ўз ичига олади.
Ушбу ишларни амалга оширишда профилактика тадбирларига катта эътибор берилади.
Юқорида келтирилган тадбирларни амалга ошириш табиий хусусиятли фавқулодда вазиятларнинг олдини олиш имконини берадиган ягона меъёрий, ҳуқуқий, ташкилий ва информацион муҳитни шакллантиришга ёрдам беради.