Farmokognoziya oxiri p65

Dorivor preparatlari.
Sabur, inyeksiya uchun V. P. Filatov
usulida tayyorlangan aloy ekstrakti, aloy suvli suyuq ekstrakti
(flakonlarda ichish uchun chiqariladi), aloy bargining tabletka-
si, sharbati, shirasi, suyuq surtmasi (liniment), temirli aloy
sharbati. Aloy suyuq surtmasi (linimenti) biogen stimulatorlarga
boy (4—8°C da qorong‘i joyda 12 sutka turgan va sterillangan)
barglarga kanakunjut moyi hamda evkaliðt efir moyi qo‘shib
tayyorlanadi.
FRANGULA PO‘STLOG‘I – CORTEX FRANGULAE
O‘simlikning nomi.
Olxasimon frangula — Frangula alnus
Mill. (Rhamnus frangula L.), jumrutdoshlar (chilonjiyda-
doshlar) — Rhamnaceae oilasiga kiradi (62-rangli rasm).

---

257
Frangula bo‘yi 1—3 (ba’zan 7) m ga yetadigan buta yoki
kichkina daraxt. Shoxlari tikansiz. Yosh shoxlarining po‘stlog‘i
qizil-qo‘ng‘irrangli, yaltiroq, silliq, oq yasmiqchali. Bargi od-
diy, keng elliðssimon yoki teskari tuxumsimon, tekis qirrali,
tezda to‘kilib ketadigan qo‘shimcha bargli, tuksiz yoki tomirlari
bo‘ylab tuklar joylashgan. Barg poyada bandi bilan ketma-ket
o‘rnashgan. Barg plastinkasining asosiy tomiridan 7—10 juft
tomir bo‘rtib chiqqan, ular yuqori tomonga qarab biroz qiyshiq
o‘rnashgan. Gullari mayda, ko‘rimsiz, 2—7 tadan to‘plangan
holda bargqo‘ltig‘iga joylashgan. Gulkosachasi qo‘ng‘iroqsimon,
kosachabargi 5 ta, tojbargi 5 ta yashil-oq, otaligi 5 ta, onalik
tuguni uch xonali, yuqoriga joylashgan. Mevasi — sersuv, da-
nakli meva, pishmasdan oldin qizg‘ish, pishganidan so‘ng bi-
nafsha-qora rangga kiradi. Meva ichida keng, teskari tuxum-
simon, yassi va botiq shaklli 2 ta danak bor. Frangula may-iyun
oylarida gullaydi, mevasi avgust-sentabrda pishadi.
Geografik tarqalishi.
Belorus, Ukraina, Boltiqbo‘yi dav-
latlari, Rossiyaning Yevropa qismida, Kavkaz, Shimoliy Qo-
zog‘iston va G‘arbiy Sibirning janubiy tumanlarida o‘rmon va
o‘rmon-cho‘l zonalarida tarqalgan.
Mahsulot, asosan, Rossiyaning Boshqirdiston, Tatariston
muxtor respublikalari hududida hamda Ukraina, Belorus va
Litva respublikalarida tayyorlanadi.