Farmatsevtik kimyo

Riboksin  

 Riboxinum 

9-β-D-ribofuranozilgipoksantin. 

 

Riboksinni  mahsus  sharoitda  Bacillus  subtilis  mikroorganizmi  o‗z  hayot  faoliyati 

jarayonida ishlab chiqaradi. 

Riboksin  hidsiz,  achchiq  mazali,  oq  yoki  biroz  sarg‗imtir  kristall  kukun  bo‗lib  suvda 

qiyin eriydi, spirtda juda  kam eriydi, efir va xloroformda  erimaydi. U optik faol modda bo‗lib, 

qutblangan nur tekisligini chapga buradi. 

Riboksinning xam chinligi adenozintrifosfat kislotasiga o‗xshash, uning tarkibidagi a- riboza 

qoldig‗iga xos orsin reaktiv ta‘sirida ko‗k-yashil rangli birikma hosil qilishi orqali aniqlanadi. 

Preparatning  chinligini  spektrofotometrik usul  bo‗yicha ham  aniqlanadi.  Uning  0,001 

%  li  eritmasini  to‗lqin  uzunligi  210  nm  dan  285  nm  sohadagi  maksimum  nur  yutish  spektri 

249 nm ga tengdir. Preparat 0,001 % li eritmasi-ning 250 va 260 nm to‗lqin uzunligidagi optik 

zichligi 1,60— 1,80 ga teng bo‗lishi kerak. 

Riboksinning  miqdori  spektrofotometrik  usul  bo‗yicha  aniqlanadi.  Uning  0,001  %  li 

suvdagi  eritmasining  optik  zichligini  249  nm  to‗lqin  uzunligida  spektrofotometrda  o‗lchab, 

miqdori aniqlanadi. 

Riboksinni 

turli 

yurak 

kasalliklari, 

jumladan 

yurak 

ishemik 

xastaligida, 

miokardiodistrofiyada,  yurak  glikozidlari  qabul  qilish  natijasida  kelib  chiqadigan  yurak 

urish  maromining  buzilishida  ishlatiladi.  Preparatni  jigar  kasalligini  (gepatit,  sirroz) 

davolashda  qo‗llanadi.  Uni  davolashning  birinchi  kunlari  0,2  g  dan  kuniga  3-4  marta, 

keyinchalik esa 0,4 g dan kuniga 3 marta ichiriladi. 

Riboksin  usti  sariq  qobiq  bilan  qoplangan  tabletkalarda  0,2  g  dan  chiqariladi. 

Preparat qorong‗i va quruq joylarda «B» ruyxati bo‗yicha saqlanadi.