Farmasevtikada boshqaruv fanidan o‘quv-uslubiy majmua

Liberal raxbarlik uslubida rahbar:

• 
  irodasiz, tashabbussiz bo‘ladi;
  
• 
  o‘z zimmasiga ma’suliyat olishni yoqtirmaydi;
  
• 
  ishni o‘z xoliga tashlab qo‘yadi;
  
• 
  aybdorga nisbatan qat’iy bo‘lishdan xayiqadi;
  
• 
  o‘zini xaddan tashqari extiyot qiladi;
  
• 
  talabchan emas, sust nazorat qiladi;
  
• 
  suiste’molliklarga bevosita yo‘l qo‘ymasa ham, o‘zini bilmaslikka soladi.
  

Demokratik rahbarlik uslubida rahbar:

• 
  boshqaruv funksiyalarini jamoa fikri bilan maslahatlashib amalga oshiradi;
  
• 
  xodimlarning bildirgan fikriga quloq soladi, ijobiy tomonlarini inobatga oladi;
  
• 
  buyruq berish yo‘li bilan emas, balki ishontirish uslubida ish tutadi.
  

Bunday rahbarlik uslubi bo‘ysunuvchilarning shaxsiy faoliyatini rivojlantiradi, jamoada do‘stona va ishchan muhitni yaratadi.
Boshqaruvchiga qo‘yiladigan talablar
Bozor iqtisodiyoti sharoitidagi keskin raqobat, ishlab chiqarishdagi yuksak texnologiyalar personalni, ayniqsa ko‘p ming kishilik mehnat jamoasini boshqarish mas’uliyatini o‘z zimmasiga oladigan rahbarning amaliy va shaxsiy sifatlariga juda katta talablar qo‘yadi. O‘zbekistonda rahbar kadrlar tayyorlash texnologiyasini tizim shaklida zamonaviy asoslash va amalga oshirish aniqlik, ilmiylik, ob’ektiaaik va amaliyotga qaratilganligi bilan muayyan afzalliklarga ega.
Bu esa, o‘z navbatida, rahbarlik lavozimlariga fidoyi, ishbilarmon mutaxassislar, zamonaviy rahbarlar kelishi uchun zamin hozirlaydi. Bunda rahbar kadrlar tayyorlash texnologiyasi bosqichlari uzviy holda olib boriladi. Ushbu texnologik tizimni taklif etayotgan mutaxassislar fikriga ko‘ra, har bir bosqich o‘ziga xos faoliyat doirasiga ega bo‘lib, ularni quyidagicha sharhlash mumkin:
Birinchi bosqich — keyingi bosqichlar uchun belgilovchi, g‘oyaviystrategik manba vazifasini o‘taydi. Zero, har bir mamlakat o‘z taraqqiyotining ma’lum bir davri uchun muayyan maqsadni hamda unga erishish yo‘lila bajarilpshi kerak bo‘lgap vazifalarni belgilab oladi va ularning qay darajada bajarilishi rahbar kadrlarning xislatlari, ijrochilik mahoratiga bog‘liq bo‘ladi.