Farmakologiya

Rezerpin va  oktadin  noradrenalinni depodan chiqarib
yuborib, mediator zaxirasini kamaytiradi, hosil bo‘layotgan
yangi molekulalar KOMÒ va MAO ta’sirida parchalanib turadi.
Bundan tashqari, oktadin noradrenalinning depoga qayta
o‘tishini kamaytiradi. Bu preparatlar yuborilgandan keyin
ularning giðotenziv ta’siri asta-sekin boshlanib, 12—24 soat
ichida yuqori pog‘onaga ko‘tariladi; qon bosimi tushishidan
oldin qisman ko‘tariladi (10—20 daq.), keyin esa asta-sekin
pasaya boradi. Preparatlar, asosan, giðertoniya kasalligining
I va II bosqichida tavsiya etiladi.
Simpatolitiklardan rezerpin va oktadin yurak-qon tomir
tizimiga ta’sir etishidan tashqari me’da-ichak harakatini
oshiradi, ko‘z qorachig‘ini toraytiradi. Bu ikki preparat ko‘p
jihatdan bir-biriga yaqin bo‘lsa ham, ayrim ko‘rsatkichlari
bo‘yicha farq qiladi. Masalan, rezerpin gematoensefalik to‘siqdan
yaxshi o‘tgani uchun markaziy nerv tizimiga neyroleptiklarga
xos bo‘lgan ta’sir ko‘rsatadi. Oktadin esa bunday xossaga ega
emas.
Ornid. Farmakologik ta’siri bo‘yicha rezerpin va oktadindan
qisman farq qiladi. U depodan mediator ajralib chiqishiga yo‘l
qo‘ymaydi. Preparat ayrim noxush ta’sirlarga ega bo‘lgani uchun
tibbiyot amaliyotida kamroq ishlatiladi. Asosan, taxiaritmiyada
tavsiya etiladi.