Farmakologiya

Zamburug‘larga qarshi antibiotiklar
Keng ta’sir doirasiga ega bo‘lgan antibiotiklarni (tetratsiklin,
streptomitsin, levomitsetin va boshqa) uzoq muddat iste’mol
qilish oqibatida og‘iz bo‘shlig‘i, meda-ichak yo‘llari shilliq
qavatlarida Candida oilasiga mansub bo‘lgan zamburug‘lar
kaloniyalari paydo bo‘ladi. Ya’ni, kandidamikoz kasalligi yuz
beradi. Ba’zan ushbu zamburug‘lar qon orqali ichki a’zolarga
o‘tib og‘iz xastaliklariga sabab bo‘lishi mumkin.
Bunday kasalliklarni davolash uchun quyidagi antibiotik-
lardan foydalaniladi:
Nistatin kislotali va ishqoriy muhitda tez parchalanadigan,
suv va spirtda erimaydigan xususiyatlarga ega. Shuning uchun
ichak bo‘shlig‘ida yuqori miqdorda to‘planadi. Ovqatdan bir
soat oldin beriladi. Xlorid kislota ta’siridan saqlash uchun
maxsus qobiqlarda (kapsulada) ishlab chiqariladi. 2 hafta
davomida qo‘llaniladi, kam zaharli bo‘lib, nojo‘ya holatlar
keltirib chiqarmaydi. Òerining zamburug‘li kasalliklarida dori-
ning 4% li malhami qo‘llaniladi.