Farmakologiya

etimizol preparatlari kiradi (Analeptiklarga qarang!).
Etimizol bosh miyaning po‘stloq osti tizimlari va uzunchoq
miya markazlarini faollashtiradi. Analeptiklardan farqli o‘laroq,
etimizol miya po‘stlog‘iga susaytiruvchi ta’sir ko‘rsatadi. Shu
sababli faqat nafas faoliyatini jonlantirish uchun emas,
tinchlantiruvchi vosita sifatida ruhiy kasalliklar amaliyotida ham
qo‘llaniladi. Ichga va parenteral beriladi.
Reflektor ravishda bilvosita ta’sir etuvchi dori vositalariga
sititon va lobelin gidroxloridi kiradi. Ular sinokarotid zona N-
xolinoretseptorlarini qo‘zg‘atadi, natijada hosil bo‘lgan afferent
impulslar uzunchoq miyaga boradi va nafas markazini qitiqlaydi
(Nafas analeptiklariga qarang!).

---

200
Aralash ta’sirga ega vositalarga kordiamin va uglerod (IV)
oksidi misol bo‘la oladi. Ularning ta’siri markazga va karotid
koptokcha xemoretseptorlarini qo‘zg‘atish bilan birga namoyon
bo‘ladi.
Nafas stimulatorlari narkotik analgetiklar bilan, is gazi
bilan yengil zaharlanganda, chaqaloqlar asfiksiyasida, narkoz-
dan so‘ng o‘pka ventilatsiyasini tiklash maqsadida ishlatiladi.
Og‘ir hollarda esa sun’iy nafas oldirishga o‘tiladi. Bilvosita
analgetiklar, uxlatuvchi, narkoz moddalari bilan zaharlanganda
qo‘llanilmaydi.