Farmakologiya

Asosiy preparatlarning tavsifi.
Morfin gidroxlorid (yuqorida keltirilgan ma’lumotlar
morfin preparatiga tegishli).
Omnopon. Òarkibida fenantren va benzil izoxinolin unumlari
bo‘lgan alkaloidlarni saqlaydi. Shu sababdan uning farmakologik
ta’siri, asosan, morfin va papaveringa bog‘liq. Og‘riq qoldiruvchi
ta’siri kuchsizroq, silliq mushaklar spazmini bo‘shashtiradi.
Shu sababli omnopon, asosan, buyrak va o‘t yo‘llari tosh
kasalligida, ichak sanchiqlarida ishlatilishi mumkin.
Promedol.  Morfinning o‘rnini bosadigan sintetik preparat
hisoblanadi. Og‘riqni qoldirish ta’siri bo‘yicha morfindan
kuchsizroq. Nafas markaziga salbiy ta’siri bilinar-bilinmas.
Qusish va adashgan nerv markaziga ta’siri ham kuchsiz.
Eyforiya va qaramlik holati kamroq bilinadi. Shu sababdan
promedol tibbiyot amaliyotida analgetik dori vositasi sifatida keng
ishlatiladi. Bolalar va qariyalarga ham tavsiya qilish mumkin.
Òramadol.  Sintez yo‘li bilan olingan analgetik. Òurli
sabablarga ko‘ra kelib chiqqan kuchli va o‘rtacha og‘riqlarni
qoldiradi. Òa’siri 15—30 daqiqadan keyin boshlanib, 3—5 soat
davom etadi. Sedativ ta’sir ko‘rsatadi. Òerapevtik dozada nafas
markazini susaytirmaydi. Eyforiya va qaramlik deyarli bilinmaydi.
8-jadval