Farmakologiya

Òurli xildagi antiblastom preparatlar. Bularga blastomalarni
radioaktiv izotoplar, fermentlar bilan davolash usullari kiradi.
Radioaktiv izotoplar ta’sirida blastomalarni nurlantirish usuli
yetarli. Ular chiqaradigan   va   nurlari o‘sma to‘qimasiga
ta’sir ko‘rsatib, uning hujayralarini nobud qiladi. Normal
to‘qimaning ushbu nurlarga nisbatan sezuvchanligi past. Shu
maqsadda radioaktiv oltin ( va   nurlar ajratadi), fosfor
( nur ajratadi), yod ( va  nurlar ajratadi) blastomalarining
ayrim turlarida qo‘llaniladi. Davolashning ushbu usuli ham
asosiy bo‘la olmaydi.
Blastomaning ayrim turlarida fermentli preparat L-aspar-
ginaza beriladi. U DNK va RNK tarkibiga kiruvchi pirimidin
asoslari sintezi uchun zarur bo‘lgan asparagin aminokislotasini
gidroliz qiladi va bemor holatiga ijobiy ta’sir ko‘rsatadi.
Keyingi vaqtlarda shunday dori vositalari ishlab chiqarilganki,
ular kimyoterapevtik davolash natijasida bemorda kuzatiladigan
asoratlarni bartaraf etib, davoning samarali davom ettirilishini
ta’minlaydi. Shuningdek, tarkibida platina saqlovchi bir qator
preparatlar (sisplatin, platin, karboplatin) ham keng qo‘llanil-
moqda.