Farmakologiya

Levorin preparatining   natriyli tuzi suvda eruvchan bo‘lib,
500000 ÒB tabletkalari kecha-kunduz davomida 2—3 martadan
10—12 kun davomida qabul qilinadi. Og‘iz bo‘shlig‘i
kandidamikoz kasalligida lunjda ushlab turish uchun maxsus
tabletkalar mavjud. Natijada og‘iz bo‘shlig‘ida dorining yuqori
miqdorda to‘planishi kuzatiladi. Sirtga qo‘llash uchun
malhamlardan foydalaniladi. Nistatin kabi qo‘llaniladi. Prostata
bezining adenoma kasalligida tavsiya etiladi.
Amfoteritsin  B  — keng ta’sir doirasiga ega, zaharli ta’siri
sezilarli bo‘lgan antibiotik. Ichki a’zolar zamburug‘li kasallik-
larida ichakdan so‘rilmaydi. Vena tomirlariga uning aniq doza-
lardagi eritmalari (250 ÒB 1 kg tana vazniga nisbatan)

---

325
tomchilatib kiritiladi. Davolash davomida qon ko‘rinishi, jigar,
buyrak faoliyati nazorat qilinadi.
Ushbu guruhga mansub antibiotiklardan anfoglukamin va
mikoseptin ta’siri jihatidan yuqorida keltirilgan antibiotiklarga
o‘xshash. Ular mikroorganizm membranasi o‘tkazuvchanligini
kuchaytiradi.
Grizeofulvin kimyoviy tuzilishi jihatidan qisman farq
qiladigan antibiotik bo‘lib, teri zamburug‘lari kasalliklarida
(dermatomikoz) qo‘llaniladi. Uning ta’sirida zamburug‘
hujayrasida bo‘linish jarayonlari buziladi. Preparat, asosan,
teri, soch, tirnoq zamburug‘lari kasalliklarida beriladi.
Preparatlar.
L e v o r i n   (Laevorinum). Sirtga qo‘llash uchun kukun
holida, 500000 ÒB dan ishlab chiqariladi. 400000—500000 ÒB
dan kecha-kunduz 2—3 marta ichish uchun, 5% li surtmasi
mahalliy qo‘llash uchun beriladi.
L e v o r i n n i n g   n a t r i y l i   t u z i  (Laevorin-natrium).
200000 ÒB dan flakonda ishlab chiqariladi. Har bir ml da
200000 ÒB bor. Chayish va yuvish uchun beriladi. 100000—
400000 ÒB da 5 ml dan ingalatsiya uchun buyuriladi.
N i s t a t i n   (Nistatinum). 250000—500000 ÒB dan
tabletka, 10% li surtma shaklida 15 g dan tubikda ishlab
chiqariladi. 500000 ÒB dan kuniga 3—4 matra 250000 ÒB bir
kecha-kunduzda 6—8 marta ichish uchun beriladi.
A m f o t e r i n   B   (Amfoterinum-B). 500000 ÒB dan
flakonda ishlab chiqariladi. Òomchilatib vena qon tomirlariga
quyiladi.
M i k o s e p t i n   (Micoceptinum). Òabletka holida 500000 ÒB
dan va malham shaklida sirtga qo‘llash uchun ishlab chiqariladi.
G r i z e o f u l v i n   (Griseofulvinum). Òabletka holida 0,125 g,
suspenziyasi 100 ml li idishda ishlab chiqariladi. 1 ÒB dan
bir kecha-kunduzda 4 mahal beriladi. 0,6 g suspenziyasi teriga
surtiladi. Davolash muddati 1 oygacha.