Farmakologiya

Etilmorfin  gidroxlorid    (Dioninum)  – sintetik yo‘l bilan
morfindan olinadi. Yo‘talga qarshi faolligi kodeindan kuchli, nafasni
susaytiruvchi ta’siri ham kuchliroq. Uning ta’sirlovchi xususiyati
anesteziya bilan almashinadi. Shuning uchun oftalmologiyada
qo‘llaniladi.
Agarda kodein yo‘talga qarshi yaxshi ta’sir qilmasa, undan
ham kuchli preparat — morfin gidroxlorid ishlatish mumkin. Ammo
unga o‘rganib qolish mumkin, shuningdek, nafas markazini
ko‘proq susaytiradi.  Shu jihatdan uni majburiy holatlarda qo‘llash
kerak.
Libeksin – uning ta’sir mexanizmi  shilliq pardani anesteziya
qilish va spazmolitik ta’siri bilan bog‘liq. Uning yaxshi tomoni
markaziy asab tizimiga ta’sir etmaydi va unga o‘rganib qolinmaydi.

---

201
Yo‘talga qarshi kuchi kodeinga yaqinroq, bronxit, bronxial astma
va o‘pkaning boshqa kasalliklarida qo‘llaniladi.
Bulardan tashqari, quruq yo‘talda, bronxial sekretsiyalar
yopishqoq va quyuq bo‘lsa uni suyultirish bilan yo‘talni
kamaytirish mumkin. Buning uchun balg‘am ko‘chiruvchi
ishqoriy eritmalardan ingalatsiya qilish yoki sedativ modda-
lardan ham foydalanish mumkin.