Фармакокинетиканинг клиник аҳамияти фармакокинетика

3.1.1. Дори воситаларининг болаларда ва қарияларда
сўрилишининг ўзига хослиги
Болаларда ошқозон шираси нейтрал муҳитга яқин (бир ойлик
болаларда рН-5,8; 3-7 ойлик болаларда – 5; 8-9 ойликларда – 4,5; 3 ёшдан катталарга яқин – 1,5-2,5; ичакда эса кучсиз ишқорий (7,3-7,6) муҳитга тенг бўлади), бу ўз навбатида ошқозондан дорининг ичакка ўтишини секинлаштиради. Болалар ичагида микрофлора яхши тараққий этмаган, глюкуронидаза фаоллиги юқори, сафро суюқлиги ажралиши паст, дорининг йўғон ичакдан сўрилиши секинлашган. Юқорида келтирилган физиологик омилларнинг ўзига хослиги, болалар амалиётида ишлатиладиган махсус йўл билан тайёрланган дори шаклларини ишлатишни талаб қилади. Қарияларда ҳам ошқозон шираси кислота муҳитининг камайганлиги қайд этилади, бу эса ўз навбатида дориларнинг ошқозондан ичакка ўтишини ва сўрилишини ҳамда биологик ўзлаштирилишини камайтиради (3.1. Жадвал).
3.1. Жадвал. Юбориш йўлига қараб дориларнинг қондаги юқори
миқдорини келиб чиқиш вақти

Дорилар	Миқдори, мкг/мл		Вақти
	ректал	оғиз орқали	ректал	оғиз орқали
Индометацин	2,15	2,85	50 дақиқа	100 дақиқа
Сибазон (седуксен)	0,09	0,19	4 соат	1 соат
Теофиллин	0,12	0,6	1 соат	4 соат
Аспирин	25	40	2 соат	1 соат

Шунинг учун болаларга дорини ичишга берилганда самараси ҳамма вақт ҳам яхши бўлавермаганлиги сабабли педиатрия амалиётида дорилар кўпроқ парентерал (мушакка, тери остига), гемодинамика, микроциркуляция бузилган ҳолларда венага юборилади.