Фармацевтика таълим ва тадқИҚот институти “тасдиқлайман”

ILOVALAR



FAN DASTURI VA ISHCHI DASTUR

1. 
   O‘quv fanining dolzarbligi va oliy kasbiy ta’limdagi o‘rni
   

Kadrlar tayyorlash milliy dasturining asosiy maqsadlaridan biri har tomonlama kamol topgan yuksak ma’naviyatli shaxsni tarbiyalab etishtirish, uning ilmiy dunyo qarashini shakllantirishdir.
Farmatsevtika ishini tashkil qilish fani Farmatsiya (turlari bo‘yicha) ta’lim yo‘nalishining mutahassislik fanlaridan bo‘lib, uning asosiy maqsadi farmatsevtika tashkilotlari ishini tashkil qilish, ya’ni, turli mulkchilik shaklidagi dorixonalarning tuzilishi, undagi bo‘limlar ishini va ish joylarini tashkil qilish, dorixona assortimentini shakllantirish, dori vositalari va preparatlar hisobini olib borish usul va uslublarini dorixonada laboratoriya qadoqlash ishlarini, nazorat analitik laboratoriya, omborxona va boshqa farmatsevtika tashkilotlarni tashkil qilish va faoliyatini olib borish ishlarini o‘rgatadi.
Mamlakatimizda ta’lim tizimiga e’tiborning tobora yuqoriligi sababli, o‘quv darsliklarni yangilash va xorijiy o‘quv adabiyotlaridan yanada ko‘proq foydalanishni taqozo etmoqda. Mazkur fan dasturni tuzishda xorijiy adabiyot ma’lumotlari ham kiritildi. Bu talabalarning Farmatsevtika ishini tashkil qilish fani bo‘yicha olgan bilimlarni yanada musaxkamlashga yordam beradi.
Farmatsevtika ishini tashkil qilish fanini o‘zlashtirishda tavsiya etilayotgan dastur Shane P. Desselle, David P. Zgarrick. Pharmacy Management Essentials for All Practice Settings. – Mc Grow Hill Medical adabiyotlaridagi yangi ma’lumotlar bilan boyitildi.

2. 
   O’quv fanining maqsadi va vazifasi
   

Fanni o‘qitishdan maqsad-talabalarda farmatsevtika tashkilotlari ishini tashkil qilish, boshqarish, farmatsevtika faoliyatini tartibga solishni nazariy asoslari, dori vositalari sifatini nazorat qilish tizimi kabi masalalar bo‘yicha bilim va ko‘nikmalarni shakllantirishdan iborat.