Фармацевтика бозорини бошқаришда маркетинг

1-2 маъруза Фармацевтика бозор тизимида маркетингнинг назарий асослари . Фармацевтикада маркетинг жараёнини бошқариш .

Маъруза режаси

• 1.Ўзбекистон Республикаси фармацевтика бозорини илмий асосда ўрганишда маркетинг тизимининг аҳамияти
• 2.Маркетинг концепцияларининг тарихий ривожи
• 3.Маркетингнинг замонавий концепцияси
• 4.Истеъмолчиларнинг талабига асосан маркетингнинг шакллари
• 5.Маркетинг функциялари
• 6.Маркетингнинг асосий тамоиллари ва мақсадлари
• 7. Маркетинг муҳити
• 8.Фармацевтик маркетинг объекти сифатида дори воситалари бозорининг ўзига хос хусусиятлари

• Маркетингни қўллаш савдо ташкилотларининг бозор талаблари ва улар фаолиятининг самарадорлик кўрсаткичлари ўсишига мослашишига ёрдам беради.
• Маркетинг ёрдамида корхона қуйидаги саволларга жавоблар олиши мумкин: Нимани сотиш керак? Кимга сотиш керак? Нима сабабдан сотиш керак? Қаерда ва қай тарзда сотиш керак? Қачон сотиш керак? Маҳсулот ҳаракатини қандай бошқариш мумкин?

• Маркетингнинг таъсири хизматлар соҳаси, нотижорат тузилмалар, давлат тасарруфидаги муассасаларга ҳам ёйилади. Маркетинг истеъмолчи эътибори ва маблағи учун рақобатли курашда иштирок этувчи барча ташкилотларда қўлланилади.

• Ҳорижий фирмаларда маҳсулотни сотишдан келиб тушган ҳар бир долларнинг катта қисми (айрим ҳисобларга кўра, 50% ва ундан ортиғи) маркетинг ҳаражатларига сафарбар этилади.

• АҚШ да маркетинг фаолияти билан иқтисодиётнинг бутун тармоқлари шуғулланади, мисол учун, реклама ва маркетинг тадқиқотлари. Рекламага сарфланадиган умумий йиллик ҳаражатлар 100 млрд.доллардан ортади. Кўпчилик агентликлар 1 млрд.доллар ва ундан ортиқ ҳалқаро айланма маблағига эга бўлади. Ҳар йили 1,8 млрд долларга яқин маблағ маркетинг тадқиқотларига сарфланади. Бунда йирик компаниялар ҳар йили бир неча миллионлик даромад кўрадилар.

• Истеъмолчилар учун маркетингнинг аҳамияти бир неча низомлар билан тушунтирилади:
• маркетинг инсонларга янада хабардор бўлиш, топқир бўлиш ва самарали бўлишга ёрдам беради;
• чакана савдо корхоналари иш тартибининг оптималлашуви, маҳсулотларнинг айлантирилиши, рекламага ҳаражатлар, маҳсулотлар турлари, ва маркетингнинг бошқа соҳалари заҳиралар координациясини яхшилайди;
• маркетинг инсонлар ва уларнинг ҳаёт тарзига қарашларига аҳамиятли равишда таъсир кўрсатади;
• маркетинг ҳаёт тарзининг яхшиланишига ёрдам беради.
•