Farg’ona viloyati kasbiy ta’limni rivojlantirish va muvofiqlashtirish hududiy boshqarmasi farg’ona transport va servis texnikumi

6-Mavzu. Maxsus va universal mashinalarda ishlash
Reja:
1.Yo’rmash mashinasida, siniq baxyaqator tikish mashinasida, puxtalama yarim avtomatida ishlash o’rganish.
2. Baxyaqatorning sifati pastligi, nuqsoni va uni
bartaraf etish;
3. Ip tashlab tikilish nuqsoni, ustki ipning uzi-lish, ostki ipning uzilish nuqsoni, materiallarning qiyin surilish nuqsoni, igna sinish nuqsoni va uni bartaraf etish.
4. Mashinani tozalash va moylash.

Mashinada ishlaganda ish sifati yaxshilanishi va mehnat unumi o’sishi maxsus mashinalarga bog’liq Maxsus mashinalardan qirqim ziylarini yo’rmalashda, izmalarni yo’rmalashda, tugma qadashda, zigzag choklarini tikishda foydalaniladi.

MAXSUS MASHINA TURLARI VA ULARGA TAVSIF

Maxsus mashina turi	Mashina klassi	Mashina vazifasi	Chok ko’rinishi
Yo’rmab tikish	«Zinger» firmasi 1831U012-3	Ayollar yengil ko’ylaklarining, kostyumlari, bolalar va erkaklar ko’ylaklarining bo’laklarini uch ipli zanjirsimon baxyaqator yuritib tikishga mo’ljallangan.
Yo’rmab tikish	«Juki» firmasi MO-2516-DD4-300	Ayollar yengil ko’ylagi, bolalar kiyimlari va erkaklar ko’ylaklarini, trikotaj buyumlarni ikki ipli zanjirsimon baxyaqator yuritib tikishga va bir yo’la uch ipli zanjirsimon yo’rma baxyali baxyaqator yuritib gazlamalar qirqimini yo’rmashga mo’ljallangan.
Tugma qadash yarimavtomati	827 rusumli (Rossiya)	Ich kiyim, kostyum va paltolarga ikki va to’rt teshikli yassi tugmalarni ikki ipli baxya bilan qadashga mo’ljallangan.
Siniq baxyaqator tikish.	1026 rusumli Rossiya Podolsk mexanika zavodi	Yupqa va o’rtacha qalinlikdagi materiallarga ishlov berishda siniq moki baxyaqator yuritib, qavish, bukib tikish ishlarini bajarishga mo’ljallangan.
Siniq baxyaqator tikish.	72527-101 «Minerva»	Kiyim bo’laklarini ikki ipli moki baxyasi hamda ularga dekorativ baxyaqatorlar yuritishga mo’ljallangan.
Puxtalama yarimavtomati	«Pannoniya» firmasi CS1652K-303A	Kostyum va paltolarda ikki ipli moki baxya solib puxtalama hosil qilishga mo’ljallangan.

Tikuv mashinalarining asosiy nuqsonlariga baxyaqatorning sifati pastligi, ip tashlab tikilishi, ip uzilishi, materialning qiyin surilishi, igna sinishi kiradi.