Farg‘ona temurbeklar maktabi xaqida

FARG‘ONA TEMURBEKLAR MAKTABI xaqida
Litseyda o‘quvchilarni taqsil olishlari uchun barcha sharoitlar mavjud. O‘quvchilar yotoqxona bilan ta’minlangan. 1 ta 5 qavatli va 1 ta 2 qavatli. Binolarda barcha sharoitlar yaratilgan. Jumladan, ma’naviyat xonalari kutubxonalar, maishiy xizmat xonalari tashkil etilgan. Xar bir qavatda o‘quvchilarni dam olishlari uchun etarli sharoitlar mavjud. Xonalar yorug‘ va shinam. YOtoqxona issiqlik manbai bilan to‘liq ta’minlangan. YUvinish xonalari va xojatxonalar davlat standartlariga javob beradi. O‘quvchilar uchun yotoqxonada dars qilishlari uchun aloxida xonalar ajratilgan.
O‘quvchilarni to‘g‘ri va rejimli ovqatlanishlari uchun barcha sharoitlar yaratilgan. Tajribali tibbiyot xodimlari doimiy sanitariya – gigienik nazoratni olib boradilar. 4 maxal issiq ovqat bilan ta’minlangan.
2019 yil 6-may kuni Muhtaram Prezidentimiz SHavkat Miromonovich Mirziyoevning O‘zbekiston Respublikasi Mudofaa vazirligi tasarrufidagi Farg‘ona «Temurbeklar maktabi» harbiy akademik litseyiga amaliy tashriflari davomida mazkur harbiy ta’lim muassasasini rivojlantirish bo‘yicha yangi tizimni belgilab berdi. Unga ko‘ra, bu maktablarga yoshlar cheklangan miqdorda tanlab olinadi, o‘quvchilar zamonaviy axborot texnologiyalari va xorijiy tilni puxta o‘rganadi, jismoniy tarbiya bilan muntazam shug‘ullanib, har tomonlama barkamol, yoshlar orasida etakchi bo‘lib shakllanadi.
«TEMURBEKLAR MAKTABI»DA O‘QUVCHILARGA BERILADIGAN
IMTIYOZLAR

• 
  «Temurbeklar maktabi» bitiruvchilariga O‘zbekiston Respublikasi oliy harbiy va ixtisoslashtirilgan ta’lim muassasalariga o‘qishga kirishda O‘zbekiston Respublikasi Vazirlar Mahkamasi huzuridagi Davlat test markazi tomonidan o‘tkaziladigan test sinovlarida o‘zlari to‘plagan ballarning 30 foizi miqdoridagi, respublikaning boshqa davlat oliy ta’lim muassasalariga o‘qishga kirishda esa o‘zlari to‘plagan ballarning 15 foizi miqdoridagi qo‘shimcha ballar ko‘rinishida imtiyoz beriladi.
  
• 
  «Temurbeklar maktabi»ni bitirgan o‘quvchilarga “B” va “S” toifasidagi haydovchilik kursini tugatganligi to‘g‘risidagi ma’lumotnoma beriladi
  

• 
  «Temurbeklar maktabi» ni tamomlagandan keyin bitiruvchilarga belgilangan namunadagi beriladi.
  
• 
  T emurbeklar maktabi» ni imtiyozli diplom bilan tugatgan bitiruvchilarga, tarkibida «Temurbeklar maktabi» bo‘lgan vazirlik va idoralarning tegishliligi bo‘yicha oliy harbiy yoki ixtisoslashtirilgan bilim yurtlariga TEST SINOVLARSIZ, harbiy-kasbiy saralash tadbirlarini muvafaqqiyatli o‘tish natijasida kirish huquqi beriladi.
  

• 
  «Temurbeklar maktabi»ni tamomlaganlik to‘g‘risidagi ko‘krak nishonining yagona namunasi vazirlik va idoralarning qo‘shma qarori bilan ishlab chiqiladi va tasdiqlanadi.
  

• 
  Ko‘krak nishoni kitel ko‘krak qismining o‘ng tomoniga taqiladi
  

SHART SHAROITLAR

Farg‘ona “Temurbeklar maktabi” harbiy akademik litseyida o‘quvchilar uchun barcha shart-sharoitlar yaratilgan. Jumladan 450 o‘ringa mo‘ljallangan yotoqxona, oshxona, Axborot kutubxona markazi, sport zal, cho‘milish havzalari mavjud O‘quvchilar 4 mahal issiq ovqat bilan davlat tomonidan bepul ta’minlangan.

Darslar davlat ta’lim standarlari asosida o‘tkazilib, dars mashg‘ulotlaridan so‘ng o‘quvchilarga mutlaqo bepul chuqurlashtirilgan holda qo‘shimcha mashg‘ulotlar (repetitorlik) o‘tiladi. SHuningdek har oyda belgilangan jadval asosida DTM talablari asosida o‘quvchilardan monitoring nazorat test olib borilmoqda. Bundan tashqari o‘quvchilar bilan muntazam ravishda yuqori tajribaga ega malakali psixologlar amaliy mashg‘ulotlar olib borib, o‘quvchilarning ruhiyatida yuz berishi mumkin bo‘lgan o‘zgarishlarni o‘z vaqtida aniqlab ularga amaliy mashg‘ulotlar o‘tkazib kelinmoqda.
Har bir guruhlarda o‘quvchilarning soni 25-26 nafarni tashkil etib, «Temurbeklar maktabi»ning har bir o‘quv xonasi zamonaviy elektron doskalar bilan jihozlangan, va shu o‘rinda “WI FI” orqali internet tarmog‘iga ulangan. Ustoz-pedagoglar har bir o‘quv mashg‘ulotlarni yangi zamonaviy pedagogik texnologiyalardan foydalangan holda mashg‘ulotlar olib borishmoqda.
- O‘quv mashg‘ulotlari barcha turlarining davomiyligi 80 daqiqadan iborat -
-Algebra, geometriya, fizika, xorijiy tillar, informatika, rus tili, ona tili va adabiyot fanlari bo‘yicha mashg‘ulotlarni o‘tkazish vaqtida o‘quvchilar guruhi ikkita kichik guruhlarga bo‘linishi mumkin.