Fargʻona neftni qayta ishlash zavodi

FNQIZ tuzilmasiga Pop va Angren shaharlarida joylashgan neft transport terminallari kiradi.

Farg‘ona neftni qayta ishlash zavodining sifat, sog‘liqni saqlash, mehnat xavfsizligini ta’minlash, atrof-muhitni muhofaza qilish va energetika menejmenti sohasidagi siyosati
“Farg‘ona NQIZ” mas’uliyati cheklangan jamiyati – uglevodorod xom-ashyosini qayta ishlash va neft mahsulotlari ishlab chiqarish bo‘yicha Markaziy Osiyo mintaqasidagi eng yirik korxonalardan biri.
Korxonaning vazifasi – iste’molchilar talabini qondiradigan raqobatbardosh mahsulot ishlab chiqarish, yetkazib berish hamda davlat, jamiyat va boshqa manfaatdor tomonlar manfaatlari yo‘lida ishlab chiqarishni yanada rivojlantirish uchun barqaror daromad olish.
Tashkilot maqsadi – O‘zbekiston Respublikasi neft va gaz sohasida yetakchi o‘rin egallaydigan samaradorligi yuqori bo‘lgan va raqobatbardosh kompaniyaga aylanish.
Bizning yutuqlar:
1) Yetkazib beruvchilar bilan o‘zaro manfaatli munosabatlar:
yetkazib berilayotgan xom-ashyo va tovar-moddiy boyliklarning yuqori sifati, barqarorligi va energiya samaradorligini bir maromda ta’minlash maqsadida yetkazib beruvchilar bilan o‘zaro manfaatli munosabatlar.
uglevodorod xom-ashyosi manbalarini izlash va kengaytirish, jumladan tolling yetkazib berishlar hisobiga.
2) Butun e’tiborni iste’molchiga qaratish:
Iste’molchilarning muttasil oshib borayotgan talabini hisobga olgan holda neft mahsulotlari iste’mol bozorini assortiment va sifat bo‘yicha o‘rganish va tahlil qilish orqali, shuningdek texnologik jarayonlar va asbob-uskunalarni modernizatsiya qilish, yangi texnika va texnologiyalarni joriy etish hisobiga iste’molchi ehtiyojlarini doimiy ravishda qondirish.
Sotuvdan keyingi kafolatli muddatda ishlab chiqarilayotgan mahsulotning iste’molchilar salomatligi va atrof-muhitga salbiy ta’sirini minimallashtirish
3) Davlat va jamiyat farovonligi va rivojida faol ishtirok etish:
mahsulot sifatini, mehnat muhofazasi, atrof-muhit muhofazasini ta’minlash, energiya sarfidan unumli foydalanish samaradorligini oshirish va ishlab chiqarishda energiya tejamkorligi bo’yicha hukumat va nazorat organlarining qonunchilik hujjatlarini so‘zsiz bajarilishi;
davlat va tarmoq dasturlarining amalga oshirilishida faol ishtirok etish;
jamiyat taraqqiyoti va farovonligi yo‘lida ko‘mak ko‘rsatish;