II-BOB.O’QUVCHILARNI TO’GARAK MASHG’ULOTLARIDA BILIM VA KO’NIKMALARINI MUSTAHKAMLASH.
2.1-§. To’garak mashg’ulotlarida fan asoslarini mustahkamlash.
Ta’limda fandan talabalarning fan asoslarini mustahkam va chuqur o‘zlashtirishga bo‘lgan qiziqishlari va ehtiyojlarini rivojlantirish, o‘zlashtirilgan bilimlarni amaliyotda qo‘llash, kasbga yo‘naltirishni amalga oshirish, qo‘shimcha adabiyotlar ustida mustaqil ishlash ko‘nikmalarni shakllantirish, internet tizimi yordamida axborot izlash, olish va qayta ishlashni o‘rgatish maqsadida o‘qitish jarayonining yangi shakli qo‘shimcha mashg‘ulotlarni tashkil etish maqsadga muvofiqdir.
Bugungi kunda kompyuter singari texnik vositalardan xususan, kompyuterlarning mantiqiy fikrlay olish qobiliyatiga ega bo’lgan avlodi ishlab chiqarishda tadbiq etilmoqda. Masalan: dastur bilan boshqariladigan dastgohlar, inson uchun havfli sohalarda kompyuterga asoslangan robotlar, atom elektrostansiyalari yoki kimyoviy korxonalardagi texnik ta’minot bunga misol bo’la oladi. Hatto kosmik kemalar ham kompyuter texnikasi va maxsus dasturlar bilan boshqariladi. Talaba-yoshlarimizda kompyuterda ishlash ko’nikmasi shakllanib bo’lgan. Kompter bilan haqiqiy “muloqotga” kirishish uchun uning —til”ini bilish kerak. Biror narsani kompyuterda hal qilish uchun, avvalo, uning algoritmini tuzib, so’ng bu algoritmni kompyuter tushunadigan qonun-qoidalar asosida yozish kerak. Bu yozuv dastur deb ataladi. Dastur tuzish jarayoni dasturlash asoslari, dasturlash tillari, amaliy dasturlash sirlari bilan tanishadilar.
Mashg‘ulotlar amaldagi o‘quv dasturining uzviy davomi sifatida informatika fani o‘qituvchisi tomonidan o‘tilib, jurnalda rasmiylashtiriladi. Qo‘shimcha mashg‘ulotning asosiy maqsadi talabalardagi fanga bo‘lgan qiziqishni rivojlantirish, ularning darsda olgan bilimlarini to‘ldiruvchi bilim, malaka va ko‘nikmalar bilan qurollantirishdan iborat. O‘tkaziladigan qo‘shimcha dars mashg‘ulotlari asosiy dars jarayonida egallangan bilimlarni kengaytirish va chuqurlashtirishga qaratilgan bo‘lishi lozim. Shundagina qo‘shimcha mashg‘ulotlar dars mashg‘ulotlarining mantiqiy davomi bo‘lib xizmat qila oladi.
Qo‘shimcha mashg‘ulotlarning samaradorligini oshirish uchun o‘qituvchi talabalarning bilish faoliyatini faollashtiradigan, mantiqiy, mustaqil va ijodiy fikr yuritish ko‘nikmalarni rivojlantirishga imkon beradigan o‘qitish metodlari, axborot kommunikatsion texnologiya vositalari va axborot-ta’lim resurslaridan foydalanish tavsiya etiladi. Bevosita informatika fanidan dasturlash tillarini o‘rganishga, veb- sahifalar tayyorlashga, taqdimot slaydlari yaratish sirlarini o‘rganishga yo‘naltirilgan qo‘shimcha mashg‘ulotlar tashkil etish mumkin. Qo‘shimcha mashg‘ulotlarda talabalar tomonidan asosiy dars jarayonida egallagan bilim, ko‘nikma va malakalarini yanada kengroq egallashlari uchun imkoniyat yaratilgan.
Qo‘shimcha mashg‘ulotlarning maqsadi:
Informatika fanining turli sohalari bo‘yicha talabalarning bilimlarini chuqurlashtirish va kengaytirish, informatikani o‘rganishga bo‘lgan qiziqishlarini rivojlantirish, uzluksiz ta’lim tizimining keyingi turlarida o‘qishni davom ettirish yoki ongli ravishda kasb tanlashga yordam berish;
Axborot kommunikatsion texnologiyalaridan foydalanib talabalarning dunyoqarashini kengaytirish tabiatning moddiy birligini uning yaxlitligini ilmiy tasavvur qilish;
Axborot kommunikatsion texnologiyalarini rivojlanishining ilmiy asoslariga e’tiborni qaratish, talabalarni turli dasturlash tillari imkoniyati bilan tanishtirishga sharoit yaratish.
Qo‘shimcha mashg‘ulotlar uchun tavsiya etilayotgan yo‘nalishlarni belgilash jarayonida amaldagi dasturni to‘laqonli bajarish, ayrim qiyin o‘zlashtirilayotgan mavzularni kengaytirib o‘qitishga alohida e’tibor qaratiladi.
Do'stlaringiz bilan baham: |