Farg’ona-2019 umumiy pedagogika o’quv-uslubiy majmua

Jinsiy tarbiya – jismoniy, estetik va axloqiy nuqtai nazardan yoshlarni to’g’ri jinsiy rivojlanishga yo’llash jarayoni.
Jismoniy madaniyat – 1) umuminsoniy madaniyatning bir qismi, inson salomatligini mustahkamlash, jismoniy qobiliyatini rivojlantirishga qaratilgan ijtimoiy faoliyat sohasi; 2) oliy o’quv yurtlaridagi o’quv fanining nomi.
Jismoniy mashqlar – jismoniy tarbiya vazifalarini hal etish vositasi.
Jismoniy tarbiya –insonni jismoniy kamolotga erishishiga yo’naltirilgan pedagogik jarayoni.
Jismoniy tarbiya Davlat ta’lim standarti – jismoniy tarbiya ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.
Jismoniy tarbiya o’qitish metodikasi – 1) jismoniy tarbiya ta’limi nazariyasi hamda metodikasi bo’yicha talabalarga muayYan bilim, ko’nikma, malakalar hosil qilishga yo’naltirilgan o’quv fani; 2) jismoniy tarbiya o’qitish metodikasi xususiy pedagogikaning asosiy soxasi.
Jismoniy tarbiya o’quv predmeti – o’quvchi salomatligini mustahkamlash, jismoniy qobiliyatini rivojlantirishga qaratilgan o’quv predmeti.
Ta’lim tizimi – turli daraja va yo’nalishdagi o’zaro aloqador uzluksiz ta’lim dasturlari va davlat ta’lim standartlari, tashkiliy huquqiy turlaridan qat’iy nazar ta’lim muassasalarining barcha tarmoqlari, ta’limni boshqaruv organlari va ular qoshidagi muassasa hamda tashkilotlarni qamrab oluvchi tizim.
Ta’lim tizimidagi global aloqa – ta’lim tizimidagi har qanday ob’ekt o’rtasida o’rnatiladigan tez va ishonchli aloqa.
Ta’lim tili – muayYan xalq ta’limi tizimida o’quv tarbiya ishlari olib boriladigan asosiy til.
Ta’lim turlari – ta’lim turlari va bosqichlarini mujassamlashtirgan tushuncha.
Ta’lim menejeri – ta’lim muassasasini zamonaviy menejment Qonunlariga muvofiq boshqaruvchi mutaxassis.
Ta’lim menejmenti – 1) ilmiy asosda tashkil etilgan, o’ziga xos izchillikka asoslangan boshqaruv: 2) boshqaruvni turli xil modellar asosida amalga oshiruvchi rahbar, pedagogik, jamoa va o’quvchilarning o’zaro munosabati.
“Ta’lim menejmenti” jurnali – ta’limni boshqarish muammolariga bag’ishlangan ilmiy-metodik qarashlarni yorituvchi maxsus nashr.
Ta’lim metodi – voqelikni amaliy va nazariy egallash, o’zlashtirish, o’rganish, bilish uchun yo’l-yo’riqlar, usullar majmuasi, pedagogik bilimlarni yaratish va asoslash usuli.