Farg’ona-2019 umumiy pedagogika o’quv-uslubiy majmua

Ma’naviyat xonasi – ma’naviyat fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.
Axloq – 1) shaxsning o’zaro bir-biri, jamiyat a’zolariga nisbatan qabul qilingan me’yorlar asosidagi munosabatlari, hatti-harakatlari majmui, jamiyat tomonidan qabul qilingan xulq me’yorlari; 2) xulq-atvor, yurish-turish, tarbiya, adab.
Axloqli – yaxshi tarbiya ko’rgan; odobli, xushahloq. Axloqli bola.
AxloqShunoslik – axloqni jamiyat, zamon, insoniyat tarixi uchun namuna bo’la oladigan ijobiy xatti-harakatlar yig’indisi sifatida baholovchi ijtimoiy fan tarmog’i.
Axloqiy madaniyat – 1) borliqni axloqiy jihatdan anglash, baholash va o’zgartirish uchun insonga imkoniyat yaratuvchi madaniyat turi; 2) insoniyatning axloqqa oid madaniy tajribasini ifodalab, kishilar o’rtasidagi munosabatlarda qadriyatlarga, axloqiy me’yor va tamoyillarga amal qilishi hamda shaxsni o’z-o’zini muntazam takomillashtirib borishidan iborat ko’nikmalarni yig’indisi.
Axloqiy tarbiya – o’quvchi yoki talabada o’zaro bir-biriga jamiyat a’zolariga nisbatan qabul qilingan me’yorlar asosida munosabatlarni shakllantirish jarayoni.
Axloqiy trening – turli vaziyatlarda, masalan, muomala madaniyatini egallashga oid xulq-atvor, ko’nikma va malakalarini o’zlashtirishga yo’naltirilgan trening.
Axloqiy xislatlar – ahloq odobga oid muhim sifatlar.
Axloqsiz – yaxshi tarbiya ko’rmagan, axloq qoidalariga bo’ysunmaydigan, intizomsiz bola.
Axloqsizlik – axloq qonun qoidalariga xilof ish, xatti-harakat.
Estetika ( yun. aisthetikos – his qiluvchi, hissiy tarbiyaga doir) – o’quv predmeti, inson bilan dunyo o’rtasidagi qadriyat munosabatining o’ziga xos tomonlarini va kishilarning badiiy faoliyati sohasini o’rganuvchi falsafiy fan.
Estetik tarbiya –yoshlarda borliq va san’atdagi go’zallikni to’g’ri tuShunish va qabul qilish ko’nikmalarini shakllantirish, ularda estetik hissiyot, did va qarashlarni tarkib toptirish, tarbiyalanuvchilarning go’zallik yaratishda ishtirok etish ehtiyoji va layoqatlarini rivojlantirish jarayoni.
Estetik ta’lim-tarbiya – san’at va voqelikdagi go’zallikni to’la idrok etish va to’g’ri tuShunish qobiliyatini shakllantirish maqsadida ta’lim-tarbiya berish mazmuni, shakllari, vositalari, usul va metodlarini o’rganuvchi pedagogika fanining alohida tarmog’i.
Etika (yun. ethoss - xulq, odat) – o’quv fani axloq va uning shaxs hamda jamiyat hayotidagi o’rnini o’rganuvchi falsafiy fan.
Ekologik tarbiya – o’quvchi va talabalarga atrof muhitga ehtiyotkorona munosabatda bo’lish me’yorlari va odobi, ilmiy, diniy, axloqiy qarashlar majmuasini singdirish jarayoni.
Ekologik ta’lim – atrof muhitni asrab-avaylish mazmuni, shakli, usul va metodlarini o’rgatuvchi, pedagogika fanining muhim tarmog’i.
Ekologik o’quv – o’quvchi va talabalarda ekologik dunyoqarash, ong va tafakkurni shakllantiradigan, umuman, tabiiy tizimlarda insonlarning tutgan o’rni va faoliyatining ahamiyati, ekologik tizimlar, kishilik jamiyatining ijtimoiy-iqtisodiy rivojlanishi va inson farovonligi omili ekanligini tuShuntirishga qaratilgan ekologik ta’lim, tarbiya, ma’lumot va targ’ibot majmui.
Ekologiya o’quv fani – OO’Yu larida talabalarga ekologiyaga oid bilim, tushunchalar, ekologik ta’lim-tarbiya asoslarini o’rgatuvchi o’quv fani.
«Ekosan» xalqaro O’zbekiston ekologiya va salomatlik jamg’armasi – Inson salomatligi va tabiatni muhofaza qilish uchun jamiyatning hamma qatlamlari va fuqorolarni aniq harakatlar qilishga birlashtirish, e’tiborga molik tashabbuslarni, loyiha va dasturlarni yoyish va amalga oshirishga yordam beruvchi jamg’arma turi.