Farg’ona-2019 umumiy pedagogika o’quv-uslubiy majmua

Mehnat ta’limi instruktaji (yo’riqnomasi)(ko’rsatma, yo’l-yo’riq, yo’riqnoma) – o’quvchining amaliy mashg’ulot o’tash davrida rioya qilishi zarur bo’lgan ko’rsatmalariga o’qituvchi tomonidan beriladigan izoh.
Mehnat o’qitish metodikasi – 1) mehnat ta’limi nazariyasi hamda metodikasi bo’yicha talabalarda muayYan bilim, ko’nikma, malakalar hosil qilishga yo’naltirilgan o’quv fani; 2) mehnat o’qitish metodikasi xususiy pedagogikaning asosiy sohasi.
Mehnat Davlat ta’lim standarti – mehnat ta’limi mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.
Iqtisodiy bilimlar asosida o’qitish metodikasi – 1) iqtisodiy bilimlar asosida ta’limni nazariyasi hamda metodikasi bo’yicha talabalarga muayYan bilim, ko’nikma, malakalar hosil qilishga yo’naltirilgan o’quv fani; 2) iqtisodiy bilimlar asosida o’qitish metodikasi xususiy pedagogikaning asosiy sohasi.
Iqtisodiy bilim asoslari Davlat ta’lim standarti – iqtisodiy bilim asoslari ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.
Iqtisodiy geografiya – mamlakat xo’jalik tizimi, ishlab chiqarish va xo’jalik ishlari xududiy joylaShuvi qonuniyatlarini o’rgatuvchi o’quv predmeti.
Iqtisodiy madaniyat o’quv predmeti – iqtisodiy bilim asoslari fanining boshlang’ich kursi, iqtisodiy bilimlarni o’rgatishga mo’ljallangan mustaqil o’quv predmeti.
Iqtisodiy muvofiqlik – ta’lim tizimi uchun ajratilgan mablag’larni samarali, maqsadli sarflash tizimi.
Iqtisodiy tarbiya – o’quvchilarni asosiy iqtisodiy tushunchalar bilan tanishtirish, ularda iqtisodiy tafakkurni rivojlantirish va iqtisodiy munosabatlarga kirishish ko’nikmalarini shakllantiradigan tarbiya turi.
Iqtisodiy ta’lim – uzluksiz ta’lim jarayonida yoshlarga iqtisodiy bilim berishga yo’naltirilgan o’quv fani, ta’lim sohasi.
Ma’naviyat – inson ruhiy va aqliy olamini ifodalovchi tushuncha.
Ma’naviyat asoslari va milliy istiqlol g’oyasi Davlat ta’lim standarti – o’quv fani mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.
«Ma’naviyat va ma’rifat» markazi, Respublika «Ma’naviyat va ma’rifat» markazi – respublika madaniy-ma’rifat ishini olib boruvchi jamoatchilik tashkiloti.