Farg’ona-2019 umumiy pedagogika o’quv-uslubiy majmua

5-topshiriq. Muammoli savollar.
Quyida keltirilgan muammoli savollar bilan tanishing va ularni hal eting.
1. Uchinchi sinf o‘quvchilari shuhratparastlik va manmanlik tushunchalarining mazmuni bir xil yoki boshqacha ekanligi to‘g‘risida bahslashib qoldilar. Nima uchun bolalar bu masalani tushunib olishlari qiyin? Ularga qanday qilib yordam berish mumkin?
2. «Uning vijdoni toza emas», «Bu — vijdonsiz kishi», «Bu ishni qilishga mening vijdonim yo‘l qo‘imaydi» degan gaplarni siz qanday tushunasiz? Vijdonning kishini axloqiy tarbiyasiga qandaydir aloqasi bormi? Bu qanday aloqa?
3. Televidenie orqali namoyish etilayotgan chet el serial-larining yoshlar tarbiyasiga qanday ijobiy va salbiy ta’siri bor deb o‘ylaysiz? Ularni tomosha qilish va unga munosabat bildi-rishda ota-onalar qanday yo‘l tutishlari lozim, deb hisoblaysiz?
4. Siz insonlarda qadrlaydigan, ulug‘laydigan axloqiy fazi-latlar qaysilar va siz «axloqsizlik» deb qaraydigan sifatlar nimalar?
16- seminar
JISMONIY VA ESTETIK TARBIYA
Reja:
1. Jismoniy tarbiyaning maqsad va vazifalarini aniqlashtirish.
2. Estetik tarbiya mazmunini yoritib berish.
3. Jismoniy va estetik tarbiya vositalariga doir amaliy topshiriqlarni bajarish.
4. Muzeyga ekskursiya uyushtirishga doir ishlanma tayyorlash. Mashgulotshshng maqsadi: talabalarning jismoniy va estetik tarbiyaga doir nazariy bilimlarini mustahkamlash hamda ularda jismoniy va estetik tarbiyani tashkil etish ko‘nikma va malakalarini tarkib toptirish.
1- topshiriq. «Jismoniy va estetik tarbiya: uyg‘unlik va aloqadorlik nimada?» mavzusida munozarani o‘tkazishga doir ko‘rsatmalar
1. O‘qituvchi munozara uchun savolni muhokama qilish uchun o‘rtaga tashlaydi va o‘ylash uchun bir daqiqa vaqt beradi.
2. Talabalarning javoblari tinglanadi va doskaga yozib boriladi. Garchi takrorlanish holati mavjud bo‘lsa ham mazkur holatda hamma javoblarning yozib borilishi talab etiladi.
3. Hamma o‘z fikrini bildirib bo‘lgach, o‘qituvchi doskaga yozilganlarni talabalar bilan birgalikda muhokama qiladi va to‘g‘ri javoblar ajratib olinadi.