Фаннинг ўқув-услубий мажмуаси Ўзбекистон Республикаси Олий ва ўрта маҳсус таълим вазирлигининг 2018 йил 25 августдаги 744-сонли буйруғи билан «Маркетинг тадқиқотлари» фан дастури асосида тайёрланган

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


САМАРҚАНД ИҚТИСОДИЁТ ВА СЕРВИС ИНСТИТУТИ


МАРКЕТИНГ КАФЕДРАСИ




АМАЛИЙ МАШҒУЛОТЛАР УЧУН ТОПШИРИҚЛАР, КЕЙС СТАДИ, ВАЗИЯТЛИ МАСАЛАЛАР ВА ТЕСТЛАР

АМАЛИЙ МАШҒУЛОТЛАР УЧУН ТОПШИРИҚЛАР, КЕЙС СТАДИ, ВАЗИЯТЛИ МАСАЛАЛАР ВА ТЕСТЛАР

1-мавзу. «Маркетинг тадқиқотлари» фанининг предмети, мақсади ва вазифалари


Топшириқлар
1 – Масала

Бешта маркетолог-менежерлар фикрини ўқиб чиқинг. Улардан сизнинг тасаввурингизга кўпроқ мос келадиганларини қайд қилинг. Жавобларингизни «менежер решеткаси» беш тури бўйича таснифланг.

А.: Мен учун амалга ошириш мумкин бўлган қарорларни қабул қилиш муҳим аҳамият касб этади. Мен ўз ғояларим, тасаввурим ва хулқ-атворим учун курашаман, гарчи бу бировларга ёқмаса ҳам. Агарда муаммолар юзага келса, мен уларни бартараф этаман ёки ўз нуқтаи назаримни билдираман. Агар бирон нарса изидан чиқса, мен қаршилик кўрсатаман ва ўз далилларимни намоён қиламан. Мен бошқаларни ҳам ўз хулқ-атворимга мослаштиришга ҳаракат қиламан.
В.: Мен ўзгаларнинг қарорларини қабул қиламан, уларнинг фикрига, тасаввурига ва хулқ-атвор услубига қўшиламан. Агар муамоолар юзага келадиган бўлса, мен бир четда туришга ва ҳеч нарсага аралашмасликка ҳаракат қиламан. Мен фақат зарур бўлган даражадагина ишлайман ва ҳеч қачон ортиқча зўриқмайман.
С.: Мен учун қабул қилинувчи қарорлар соғлом бўлиши ва тўғри тушунилиши катта аҳамиятга эга. Мен бошқаларни тинглашни биламан ва ўзимникидан фарқ қилувчи ғоялар, фикр-мулоҳаза ва хулқ-атвор услубини излайман. Мен ўз эътиқодим бўлсада, ўзгаларнинг ҳам ғояларини қабул қилишим ва ўз нуқтаи назаримни ўзгартиришим мумкин. Агар муаммолар юзага келадиган бўлса, мен уларнинг сабабларини аниқлаш ва оқибатларини бартараф этишга ҳаракат қиламан. Менинг жаҳлим чиққан пайтда ҳеч кимга сездирмасликка ҳаракат қиламан. Энг оғир пайтда ҳам мен ҳазилни тўғри қабул қила оламан. Барча куч-қувватимни ишга бераман ва ходимларни ҳам ўз ортимдан эргаштираман.
Д.: Мен учун одамлар билан илиқ муносабатларни сақлаб қолиш муҳим аҳамият касб этади. Ўз ёндашувимни амалга оширгандан кўра мен бошқаларнинг фикри, тасаввури ва хулқ-атвор услубини қабул қилишни маъқул кўраман. Мен муаммоларнинг вужудга келишига йўл қўймасликка ҳаракат қиламан, бунинг иложи бўлмаган пайтларда эса одамлар тезроқ буни унутишлари ва аввалги ҳолатга қайтишларига интиламан. Мен бошқалар билан дўстона муносабатларни сақлаб қолишим осон кечади. Мен камдан-кам ҳолларда раҳбарлик қиламан, бироқ ҳар доим ёрдам беришга тайёр тураман.
Е.: Мен учун мақсадларни амалга ошириш катта аҳамиятга эга. Агар янги ғоя, тасаввур ва нуқтаи назарлар пайдо бўладиган бўлса, бу ҳолда мен ўртача позицияни эгаллашга ҳаракат қиламан. Муаммолар вужудга келадиган бўлса, мен адолатли ва тўғри мулоҳаза юритишга интиламан. Мен иш суръатининг бир хилда бўлишига ҳаракат қиламан.


2- масала