Fanning o’zlashtirish darajasini nazorati va baholash baholash mezoni

FANNING O’ZLASHTIRISH DARAJASINI NAZORATI VA BAHOLASH

Baholash mezoni
Baholash mezoni o’quvchilarning bilim saviyasi va o’zlashtirish darajasining davlat ta’lim standartlariga muvofiqligini ta’minlash uchun quyidagi nazorat tartibotlarini o’tkazishni nazarda tutadi:
Joriy nazorat - so’rovlar kollokviumlar, seminarlar, yozma ishlar ( savollarga javob yozish) va testlar tarzida bilimlar , malaka ko’nikmalar tekshiriladi.
Oraliq nazorat – semester tamom bo’lganda va o’quv dasturining tegishli bo’limi tugallangandan keyin amalga oshiriladi. Uning asosida o’quvchi reytingi aniqlanadi. Bilmlar, malaka va ko’nikmalarni baholash uchun oraliq nazorat imtixonlar, testlar, sinovlar, kurs va malaka ishlari shaklida o’tkaziladi.
Yakuniy nazorat – akademik litseyda, kasb-hunar kollejida o’qish tugallangandan keyin keyin davlat atestatsiyasi: imtixonlar, testlar, sinovlar, malaka ishlari, diplom loyihalarini himoya qilish shaklida amalga oshiriladi.

Fan tugallanishida yakuniy nazorat test usulida o’tkaziladi. Boshqa hollarda yakuniy nazoratning o’tkazilishi tartibi shakli ta’lim muassasasining ilmiy pedagagik kengashi tomonidan belgilanadi.

Har bir kursda o’qish tugagandan so’ng reyting nazorati natijalariga ko’ra o’quvchilarni keyingi kursga o’tkazish to’g’risida belgilangan tartibda qaror qabul qilinadi.
Reyting tizimini joriy qilishda quyidagi asaosiy tamillarning bajarilishi zarur:

a) Har bir fan bo’yicha tegishli kafedralar tomonidan maqullangan variantlar asosida boshlang’ich nazorat o’tkaziladi. Boshlang’ich nazorat reyting monitoring va tahlil guruhi tomonidan o’tkaziladi.

b) O’quv dasturining mantiqan tugallanga bo’limi bo’yicha o’quvchi albatta baholanadi va va natijasi o’tish balidan (3 ball) past bo’lganda qayta nazorat belgilanadi. Ushbu bo’limlarni tegishli kafedralar aniqlaydi.

c) Yakuniy nazorat kafedralar tomonidan tuzilgan variantlar asosida reyting monitoring va tahlili guruhi kuzatuvi ostida o’tkaziladi.

Semestr mobaynida o’quv yuklamasi 24 soatdan kam bo’lgan fanlardan oraliq nazorat o’tkazilmaydi.

O’quvchilarning bilim saviyasi, ko’nikma va malakalarininazorat qilishning reyting tizimi asosida o’quvchining har bir fan bo’yicha o’zlashtirish darajasini ballar orqali ifodalanadi.

Har bir nazorat (so’rov) turi qanday shaklda o’tkazilishidan qat’iy nazar 5 ballik (“5”, “4”, “3”, “2”) usulda butun sonlar yordamida baholanadi.

Boshlang’ich nazoratning natijasi boshqa nazoratdan olingan ballarga qo’shilmaydi. U o’quvchining semester davomida ushbu fan bo’yicha o’zlashtirish sur’atini tahlil qilishda o’qituvchining o’quvchilar bilan ishlash faoliyatining samarasi mezoni sifatida qo’llaniladi.

O’quvchi mazkur fan bo’yicha quyidagi mezon asosida baholanadi:

- O’quvchining darslarga qatnashganlik darajasi;

- Nazariy va seminar mashg’ulotlaridagi faolligi, konspekt daftarlarining yuritilishi va to’liqligi;

- Yozma va og’zaki nazorat turi natijasi bo’yicha;

- O’quvchilarning mustaqil ish topshiriqlarini o’z vaqtida va sifatli bajarishi va “Axborot texnologiyalari asosi” fanidan o’quvchilarning bilimini baholash mezonlari.
5 ball – “Alo”

4 ball - “Yaxshi”

3 ball - “Qoniqarli”

2 ball – “Qoniqarsiz”

T/r	Baholash mezoni	Baho
1	Davlat ta’lim standartlaridan kelib chiqib, darslarda 95% gacha qatnashgan , ma’ruza matnini o’qigan, o’quv qurollari to’la bo’lgan, adabiyotlardan foydalanishni biladigan.	3
2	Undan tashqari ko’rgazmali qurollardan foydalana oladigan, olgan bilimlarini xalq xo’jaligidagi o’rnini to’g’ri tushungan, mustaqil fikrlash, olgan bilimlarini tushuntirib beradigan.	4
3	Undan tashqari, olgan bilimlarini ishlab chiqarishda qo’llay oladigan, ushbu fanni boshqa fanlar bilan bog’lay oladigan, mustaqil ish va vazifalarni to’liq bajargan va yangilik kiritishga intilgan har jihatdan boshqa o’quvchilarga o’rnak bo’ladigan	5
4	Yuqoridagi shartlarni 50-60% bajarishda qiynalgan o’quvchilar qo’shimcha va qayta topshirgan	2