Fanning o’quv-uslubiy majmuasi Oliy va o’rta maxsus ta’lim vaziriligining 2016 yil 25. 08 dagi «355» sonli buyrug’i asosida tasdiqlangan namunaviy o’quv dasturiga muvofiq ishlab chiqildi

Barcha mehnat turlari faoliyat orqali amalga oshiriladi. O‘qituvchi faoliyati texnologiyalanuvchanligini tavsiflashdan oldin o‘qituvchilik faoliyatining tuzilishi ya’ni, kasbiy xususiyatlarini ko‘rib chiqaylik.

“Ta’lim to‘g‘risida”gi Qonun, “Kadrlar tayyorlash milliy dasturi” talablariga asosan bugungi kun o‘qituvchisi;

• 
  o‘z fanini chuqur va maksimal biladigan, qobiliyatli, fidokor, ishbilarmon;
  

- milliy istiqlol g‘oyalariga ishonadigan va uni to‘liq amalga oshishi uchun bor bilim va kuchini ayamaydigan;

• 
  psixologik, pedagogik, metodik bilim va mahoratini uzluksiz oshirib borishga e’tiqodi baland;
  
• 
  o‘z o‘quv fani, o‘quv kasbi, o‘quvchilarni jonu dilidan sevadigan, ularning har birida kelajagi buyuk davlatning quruvchilarini ko‘ra oladigan va shunday shaxs bo‘lishiga ishonadigan, buning uchun bor bilimi, tajribasini ayamaydigan;
  
• 
  va nihoyat, erkin, mustaqil, ijodiy fikrlaydigan, talabchan, adolatli, sabr-toqatli, madaniyatli bo‘lmog‘i darkor.
  

Demak, bugungi kun o‘qituvchisi ijodiy pedagogik faoliyat bilan shug‘ullanishi lozim. Ijodiy pedagogik faoliyat esa bir kasb vakilining dunyoqarashini, iymon-e’tiqodini, kelajakka ishonchini, tafakkurini, odob-axloqini shakllantirish kabi muammolarni yechish jarayonidir. Pedagogik psixologik adabiyotlarda ta’kidlanishicha pedagogik faoliyat o‘qitish, tarbiyalash, tadqiqotchilik, tashkilotchilik, kommunikativ xususiyatlar bilan birga quyidagi ixtisos professiogrammasidan, ya’ni faoliyat turlaridan iborat bo‘ladi: