Fanning o’quv-uslubiy majmuasi dasturi Oliy va o’rta maxsus ta’lim vaziriligining 2016 yil 25. 08 dagi «355» sonli buyrug’ining 2-ilovasi asosida tasdiqlangan namunaviy o’quv dasturiga muvofiq ishlab chiqildi

Тасвирий фаолиятга амалий тайёрлаш

Тасвирий фаолиятга амалий тайёрлаш тасвирий фаолият таълимининг асосий қисмларидан бири бўлиб ҳисобланади. У ўзаро боғланган бир неча элементлардан оддий асбоб ва мосламалардан фойдалана билиш, керакли операсияларни тўғри ва рационал амалга ошира билиш, яъни у ёки бу материалга маълум изчилликда ишлов бера бориш, йўл қўйилган хатони ўз вақтида аниқлаш ва тўғрилай олиш кабилардан таркиб топади. Тасвирий фаолият таълимининг мазмунига мувофиқ ўқувчилар мазкур ёш учун қулай бўлган материалларга ишлов беришда қўлланиладиган оддий асбоб ва мосламаларни ишлатишнинг амалий малака ва кўникмаларини эгаллайдилар.

Амалий малака ва кўникмалар билан қуроллантириш асосий ишлаб чиқариш операцияларини ўргатиш ҳам демакдир. Бошланғич синф ўқувчилари дуч келадиган буюмлар технологияси хилма-хилдир, бироқ бу масалани батафсил ўрганмасданоқ иш операцияларининг типиклигини сезиб олиш қийин емас, улар: материални ўлчаш ва белгилаш, уларга қирқиб ишлов бериш, қисмларни елимлаш; тикиш, ўриш ва боғлаш каби йўллар билан бирлаштириш ва мустаҳкамлаш, деталларни йиғиш ва буюмни монтаж қилишдир. Якунловчи операция буюмни безашдир. Бошланғич синф ўқувчиларини тасвирий фаолиятга амалий тайёрлашга график малакаларини шакллантириш ҳам таалуқлидир.

Бошланғич синфда кенг маънодаги илмий асослар ҳақида емас, балки политехник таълимнинг элементлари тўғрисида гап боради. Бироқ умумтаълим предметларини ўқитиш тасвирий фаолият дарсларини маълум даражада политехник асосларда, дарсдан-дарсга политехник билимларни қўшиб олиб боришга ёрдам беради.

Тасвирий фаолият бўйича дастурнинг исталган бўлимини ўтишда ўқитувчи болаларга маълум ҳажмдаги политехник билимларни беради. Бошланғич политехник билим билан қуроллантириш ўқувчиларга предметни ясаш, ишлов берилаётган материалнинг хусусиятларини, технологик ўзига ҳосликлари, материалга ишлов берилганда қўлланиладиган асбоб ва мосламаларнинг хусусиятлари, улардан фойдаланиш қоидалари ҳақида маълумот беришдан иборатдир.

Политехник тайёргарликка ега бўлиш қўйилган тасвирий фаолият вазифаларини бажаришда, асбоблардан тўғри ва рационалроқ фойдаланишда ёрдам беради.

Политехник билимлар асосан бошлағич синф ўқувчиларида фан ва техника ютуқларига нисбатан қизиқиш уйғотади.