Fanning nomi: ijtimoiy nazariya

Ijtimoiy ishning tamoyillari:

– ijtimoiy-siyosiy tamoyil – hududiy xususiyatlarni hisobga olgan holda, demokratizm prinsiplari asosida, guruh yoki insonning yashashi, faoliyatining shart-sharoitlari, ijtimoiy ishchining faoliyatini qonuniy va vijdoniyligini nazorat qilish;

– tashkiliy tamoyil – kadrlarning ijtimoiy-texnologik kompetentligi, faoliyatini nazorat qilish, huquq va majburiyatlar, vakolat va javobgarlik birligi tamoyili;

– psixologo-pedagogik tamoyillar - ijtimoiy ish mijozlariga psixo-pedagogik ta’sir ko‘rsatish vositalarini tanlashga bo‘lgan talabni aks ettiradi, ijtimoiytexnologik muolajani amalga oshirishda individual xususiyatlarni inobatga olish lozimligini anglatadi.

Ijtimoiy ish tamoyillari madaniyatning umuminsoniy xususiyatlari, insoniy qadriyatlar ustunligi, gumanizm, falsafasi asosida quriladi. Ular quyidagilardan iborat:

– kam ta’minlanganlarning muammolarini o‘z omadsizligi deb qarash va uni hal etish uchun ijtimoiy dasturlar ishlab chiqish;

– ish bilan ta’minlanganlik farovon yashash uchun yagona vosita hisoblanadi;

– ijtimoiy mas’uliyat⁷.

Ular aholiga ijtimoiy xizmat ko‘rsatishning muhim qoidalarini aniqlaydi. Har bir inson, fuqaro yoki shaxs jamiyatning bir qismi bo‘lib ijtimoiy ta’minotga, ijtimoiy yordam ko‘rsatishga mas’uldir. AQShda ba’zi etnik guruhlar quyidagi ijtimoiy muammolarga duch keladilar: ta’lim olish, kam ish haqi to‘lanadigan ishlar, yaroqsiz bosh pana, sog‘liqni saqlash xizmatlarining yetishmasligi. Ushbu muammolarni tahlil etishda liberal, konservativ qarashlar mavjud.