Fanidan o`zbekistonda jamiyat va shaxs

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

O’RTA MAXSUS, KASB-HUNAR TA’LIM MARKAZI

SAMARQAND VILOYATI O’RTA MAXSUS, KASB- HUNAR TA’LIMI BOSHQARMASI



Samarqand pedagogika kolleji
O’zbekiston konstitutsiyasi

FANIDAN

O`zbekistonda jamiyat va shaxs

munosabatlari

mavzusida

MUSTAQIL ISH

O’qituvchi: ______________

Bajardi: _______________

Samarqand 2017

Reja:

1. О`zbekiston Respublikasi Konstitutsiyaviy tuzumining iqtisodiy negizlari.

2. О`zbekistonda moliya va pul- kredit tizimi.

3. О`zbekiston Respublikasida fuqarolik jamiyatining Konstitutsiyaviy asoslari.

О`zbekiston Respublikasi Konstitutsiyaviy tuzumining iqtisodiy negizlari. Iqtisodiyot insonning hayoti uchun eng zaruriy narsalarni yaratuvchi hо`jalik yuritish tizimidir. Inson iqtisodiy munosabatlarining markazida turadi. Iqtisodiyotning sub`yekti sifatida amal qiluvchi inson, iqtisodiy faoliyat natijasida ma`lum bir narsalarni yaratadi, о`zi yaratgan narsalar uning hayotini u yoki bu darajada yahshilashga hizmat qiladi. Shu holatdan kelib chiqqan holda aytish mumkinki, aslida jamiyatni vujudga keltirgan asosiy narsa, odamlar о`rtasidagi iqtisodiy munosabatlar bо`ladi.

Jamiyatning iqtisodiy negizlari asosida odamlarning iqtisodiy munosabatlari doirasida amal qiluvchi – mulkiy munosabatlar markaziy о`rinda turadi. Jamiyatdagi ijtimoiy - iqtisodiy islohotlarning zaruriyati rivojlanish tamoyillari va ularning huquqiy asoslarida kо`rinadi.

Mamlakatimizda qurilayotgan demokratik huquqiy davlat va insonparvar fuqarolik jamiyati mulk shakllarining yangi tizimi, qudratli ishlab chiqarish kuchlari va vositalari, ilg`or fan va madaniyat barpo etish, xalq farovonligini oshirish, takomillashtirish, erkin shaxsni har tomonlama kamol toptirishga qulay sharoitlar vujudga keltirayotgan jamiyatdir. Shuning uchun "Mulkdorlar toifasiga keng yо`l ochish kerak, toki u jamiyatning yetakchi harakatlantiruvchi kuchiga, jamiyatning mas`ul shaxsiga aylansin". Bu masala oliy maqsad qilib belgilangan.

Fuqarolik jamiyatining rivojlanishi shaxs manfaatlarining boshqa barcha manfaatlardan ustuvor darajada rivojlanishi bilan bog`liq. Ya`ni bu "shaxs—jamiyat—davlat" degan Konstitutsiyaviy prinsipning amaliy ifodasidir. Bunday holat mazkur manfaatlarni qonunlar shaklida ifoda etadigan va himoya qiladigan huquqiy davlatsiz mavjud bо`la olmaydi.

Har bir davlat о`zining mustaqil moliyasiga ega bо`lmog`i kerak. Hozirgi kunda О`zbekiston Respublikasi boshqa mustaqil davlatlar qatori faqat siyosiy mustaqillikka erishib qolmasdan, iqtisodiy mustaqillikka ham erishmoqda, ya`ni о`zining moliyasiga va о`zining milliy daromadiga egadir. О`zbekiston Respublikasining moliyasi mamlakatimiz iqtisodiy tizimining muhim va ajralmas qismi, uning tarkibiy elementidir. Mamlakatimiz iqtisodining rivojlanishi uning moliyasining yuksalish yо`nalishlarini belgilab beradi va mustahkamlab borishiga ijobiy ta`sir kо`rsatadi.