Fanidan O`quv metodik majmua

Fan bo‘yicha talabalarning bilimiga, ko‘nikma va
malakasiga qo‘yiladigan talablar
Kasb ta’limi metodikasi o‘quv fanini o‘zlashtirish jarayonida amalga oshiriladigan masalalar doirasida bakalavr:
- kasb ta’limining metodologik asoslari, o‘quv-me’yoriy hujjatlar, kasb ta’limini o‘qitishni tashkil etish va uni amalga oshirish, ta’lim metodlari, ishlab chiqarish ta’limi, bilim, ko‘nikma va malakalarni baholash usullari haqida tasavvurga ega bo‘lishi.

• 
  o‘quv-me’yoriy hujjatlar, ta’lim metodlari, ma’ruza, amaliy va laboratoriya mashg‘ulotlari mazmunini bilishi va ulardan foydalana olishi.
  

- kasb ta’limini o‘qitishni tashkil etish va uni o‘tkazish, nazariy darslarni tahlil qilish, kurs ishlari va diplom ishlarini bajirishga rahbarlik qilish ko‘nikmalariga ega bo‘lishi kerak.
Fanning o‘quv rejadagi boshqa fanlar bilan o‘zaro bog‘liqligi
va uslubiy jihatdan uzviy ketma-ketligi
Kasb ta’limi metodikasi fani asosiy ixtisoslik fani hisoblanib, 7-semestrda o‘qitiladi. Dasturni amalga oshirish o‘quv rejasida rejalashtirilgan psixologiya, pedagogika, balog‘atga etish fiziologiyasi va gigienasi, yangi pedagogik texnologiyalar, pedagogik mahorat, didaktik vositalar majmuasi, umumkasbiy va ixtisoslik fanlari bilan o‘zaro bog‘langan holda olib boriladi.