Фанидан маърузалар матни

Қисқача хулосалар 
Инфляция маълум давр мобайнида мамлакатда баҳолар ўртача (умумий) 
даражасининг барқарор ўсиши ва пулнинг харид қобилиятини узоқ муддатли 
пасайишини англатади. Инфляциянинг иқтисодиётга салбий таъсири нормал 
иқтисодий муносабатларни издан чиқаришида намоён бўлади.
Инфляция даражаси баҳо индекслари воситасида ўлчанади.
Келиб чиқиш сабабларига кқра талаб инфляцияси ва таклиф инфляцияси ўзаро 
фарқланади. Инфляциянинг бу икки тури кўпинча аралаш ҳолда юзага келади.
Кутилмаган инфляция даромадларни дебиторлар ва кредиторлар, аҳолининг турли 
қатламлари ҳамда давлат ва аҳоли ўртасида қайта тақсимлайди.

---

Ишсизлик ва инфляция суръатлари ўртасидаги тескари боғлиқлик Филлипс эгри 
чизиғида акс этади. 
Ҳукумат Филлипс эгри чизиғига асосланиб қисқа давр учун ишсизлик ва 
инфляция даражаларининг исталган комбинациясини танлаши мумкин. 
Аксилинфляция сиёсати-баҳолар умумий даражасини барқарорлаштириш, инфляцион 
кескинликни юмшатишга йўналтирилган макроиқтисодий сиёсат. 
Аксилинфляция сиёсати ўз ичига қуйидагиларни олади: 
-ялпи талабни тартибга солиш; 
-ялпи таклифни тартибга солиш. 
Ўзбекистон Республикасида қабул қилинган Инқирозга қарши чора-тадбирлар 
дастурида кўзда тутилган вазифаларни амалга ошириш инфляция суръатларини 
чеклаш имконини беради.
Назарот ва муҳокама учун саволлар 
1. Инфляциянинг моҳияти фақатгина муомаладаги пул массасининг ортиқчалиги 
билан изоҳланиши тўғрими?
2. Инфляцияни тушунтириб беришга кейнчиларнинг ва неоклассикларнинг 
ёндошувлари қандай фарқ қилади? 
3. Инфляциянинг ижтимоий – иқтисодий оқибатлари қандай? 
4. Талаб инфляцияси қандай содир бўлади? 
5. Таклиф инфляциясига изоҳ беринг? 
6.Филлипс эгри чизиғи қайси кўрсаткичлар ўртасидаги боғлиқликни кўрсатади? Бу 
боғлиқлик қандай тавсифланади? 
7. Аксилинфляция сиёсатининг моҳиятини тушунтириб беринг. 
8. Жаҳон молиявий-иқтисодий инқирози шароитида инфляцига қарши кураш 
сиёсатининг хусусиятлари нимада?