Fanidan laboratoriya ishlari

Matematik funksiyalardan foydalanish. Excel da hisoblashlarni bajarish uchun turli funksiyalardan foydalaniladi. Shundan bir nechtasi matematik funksiyalardir.


Berilgan diapazondagi sonlarning yig‘indisi va ko‘paytmasini hisoblash.

Agar sonlar ustun yoki satr bo‘ylab ketma-ket bir nechta yacheykalarda berilgan bo‘lsa va ularning umumiy yig‘indisini hisoblash talab qilinsa, u holda kerakli sohadagi tegishli yacheykalar ajratib olinadi va vositalar panelidagi (avtosumma) belgisi ustida sichqoncha chap tugmasi bosiladi. Bu ishni formulalar satrida yig‘indini hisoblash funksiyasini kiritish orqali ham amalga oshirish mumkin (9-rasm). Sonlar ko‘paytmasini hisoblash uchun esa kursor D7 yacheykaga qo‘yilib, formulalar satrida ПРОИЗВЕД(D1:D6) funksiyasi yoziladi.

Bir yacheykada yozilgan ma’lumotni boshqa yacheykalarga ham


nusxalash.Vaqtni tejash va ishni osonlashtirish maqsadida bir xil ma’lumotni har bir yacheykada yozib o‘tirmasdan, bitta yacheykada yozib, qolganlariga nusxalab qo‘ya qolish ham mumkin. Buning uchun ma’lumot kiritilgan yacheykaning pastki o‘ng burchagi sichqoncha ko‘rsatkichi bilan ilintirilib, (sichqoncha chap tugmasini bosib, qo‘yib yubormagan holda) belgilangan manzilgacha sirpantiriladi va qo‘yib yuboriladi.


Misol. C1 yacheykadan boshlab C2, …, C5 yacheykalarga mos ravishda 1,3,5,… kabi toq sonlarni yozish talab qilinsin.
68
Buning uchun dastlab C1ga 1 sonini kiritib, C2 da: “=C1+2” formulani yozamiz va bu formulani yuqoridagi usul bilan C5 ga qadar ko‘chiramiz.


Berilgan ma’lumotlar asosida grafiklar va diagrammalar


tuzish.Ma’lumotlarni diagramma ko‘rinishda tasvirlash uchun avval talab qilingan sohadagi ma’lumotlarni ajratib olamiz, so‘ngra [Вставка] menyusining [Diagramma] bandiga murojaat qilib, oynaga ega bo‘lamiz.

Oynaning Tip bo‘limidan kerakli turdagi diagrammani tanlaymiz, Vid bo‘limidan esa istalgan ko‘rinishlardan birini belgilab, [Dalee>] tugmasini bosamiz. Keyingi hosil bo‘ladigan oynalar orqali kerak bo‘lsa, diagrammaning boshqa parametrlarini o‘rnatamiz, zarurat bo‘lmasa, [Gotovo] tugmasini bosib, maqsadga erishish mumkin.

Diagrammani vositalar panelidagi belgisi orqali ham hosil qilish mumkin. Bunda ham kerakli soha belgilanib, yuqorida aytilgan belgiga murojaat qilsak, bir nechta tasvir diagrammalari oynasi hosil bo‘ladi va undan keraklisini o‘zingiz tanlashingiz mumkin.