Фани бўйича ўҚув-услубий мажмуа

Ўқув курсининг тўлиқ номи:
ИННОВАЦИЯ ИҚТИСОДИЁТИ
Курснинг қисқача номи:	ИИ				ИИ
Кафедра:	Саноат иқтисодиёти
Ўқитувчи ҳақида маълумот:	Исмаилов Акмал Махсудович и.ф.н.							[e-mail]
Семестр ва ўқув курсининг давомийлиги	5-6 семестр, 38 ҳафта
Ўқув соатлари хажми:	жами:		258
	шунингдек:
	маъруза		76
	семинар
	амалий		76
	мустақил таълим		106
Йўналиш номи ва шифри	5230100		Иқтисодиёт (микроиқтисодиёт)
Ўқув курсининг статуси	Асосий ўқув курси
Дастлабки тайёргарлик:	“Реал сектор иқтисодиёти”, “Корхоналарнинг ривожланиш стратегияси”, “Ҳозирги замон рақобат назарияси”, “Маркетинг”, “Статистика”, “Макро ва микро иқтисодиёт”
Курснинг предмети ва мазмуни: Ўзбекистонда реал секторни жадал суръатлар билан ривожлантириш, тармоқ корхоналарида истиқболли лойиҳаларни амалга ошириш орқали янги замонавий техника, дастгоҳ ва ускуналар, технология ва ноу-хауларни жорий этиш энг аввало самарали инвестицион фаолиятни ташкил этишни ва тўғри йўналтирилган инвестицион сиёсатни олиб боришни тақозо этади. Бунда инвестиция манбаларининг ички имкониятларидан тўла фойдаланиш ва инвестицион жозибадорликни ошириш орқали хорижий инвесторларни кенг жалб этиш асосий вазифа ҳисобланади. "Инновация иқтисодиёти" фани иқтисодиётни модернизациялаш шароитида содир бўлаётган ижтимоий-иқтисодий жараёнларини назарий ва амалий масалаларини ўрганиш ва уни мўътадил ривожлантиришнинг ечимларини топишда ҳамда магистратура таълими “реал сектор” йўналиши мутахассисларини шаклланишида катта аҳамиятга эга ва бу иқтисодиёт йўналишидаги талабалар, ушбу соҳа бўйича билим ва кўникмаларининг юксак даражада шаклланган бўлишини тақозо этади.
Курсни ўқитишнинг мақсади ва вазифалари:"Инновация иқтисодиёти" фанини ўқитишдан мақсад – иқтисодиёт соҳасида талабаларни, мамлакат реал сектор тармоқлари иқтисодиётининг назарий ва амалий масалалари тўғрисида ҳамда ушбу тармоқларда инновацион фаолиятни ташкил этиш бўйича мутахассислик профилига мос билим, кўникма ва малака шакллантиришдир. Фаннинг асосий вазифалари: - реал секторда инновацион иқтисодиёт моҳияти ва турларини ўрганиш; - инновацион иқтисодиёт жараёнининг мазмуни ва асосий босқичларини ўрганиш; - инновацион фаолият тушунчаси, инновацион фаолият функциялари ва инновациялар таснифини билиш; - реал сектор корхоналарининг инновацион фаолияти ташкилий шакллари ва унинг хусусиятларини ўрганади. Шунингдек, “Инновация иқтисодиёти” фани фундаментал фанлардан бири бўлиб, бошқа иқтисодий фанларни чуқур ўрганишда асос бўлиб хизмат қилади. “Инновация иқтисодиёти” ўқув фанини ўзлаштириш жараёнида амалга ошириладиган масалалар доирасида талаба: Инновация иқтисодиётининг моҳияти ва турлари, инновацион жараённинг мазмуни ва асосий босқичларини билиш, Молия бозорлари ва институтлари фаолиятини ўрганиш, молиявий инструментларни қўллай олиш. Капитал қўйилмалар, кўчмас мулкка ва қурилишга инвестициялар киритиш ҳақида тушунчага эга бўлиш. Капитал қурилишнинг инвестицион жараёндаги ўрни, капитал қўйилмаларни молиялаштириш усуллари, инвестицион лойиҳалар ва уларнинг таснифини билиши керак; Инновацион лойиҳаларни баҳолаш услубларини қўллай олиш, қимматли қоғозларнинг инвестицион сифатини баҳолай олиш, қимматли қоғозлар портфелини шакллантириш, чет эл инвестицияларини жалб қилиш, чет эл капиталини жалб этиш бўйича инвестицион сиёсатни ишлаб чиқиш, тўғридан – тўғри чет эл инвестицияларининг хусусияти ва тартибга солиш услубларини таҳлил қилиш ва баҳолаш амалиёти бўйича кўникмаларга эга бўлиши керак; мамлакатлар бўйича таваккалчилик ва чет эл инвестицияларини тартибга солиш услублари, реал сектор корхоналарининг инновацион сиёсати бўйича билимларни шакллантиришнинг асосий мақсадлари, вазифалари ва ёндашувлари ҳақида малакаларига эга бўлиши керак.