Фани бўйича ўҚув-услубий мажмуа

ЎҚУВ ДАСТУРИ

КИРИШ

Ўзбекистонда иқтисодиёти тармоқларини жадал суръатлар билан ривожлантириш, тармоқ корхоналарида истиқболли лойиҳаларни амалга ошириш орқали янги замонавий техника, дастгоҳ ва ускуналар, технология ва ноу-хауларни жорий этиш энг аввало самарали инновацион фаолиятни ташкил этишни ва тўғри йўналтирилган инновацион сиёсатни олиб боришни тақозо этади. Бунда инвестиция манбаларининг ички имкониятларидан тўла фойдаланиш ва инновацион жозибадорликни ошириш орқали хорижий инвесторларни кенг жалб этиш асосий вазифа ҳисобланади.
"Инновация иқтисодиёти " фани иқтисодиётни модернизациялаш шароитида содир бўлаётган ижтимоий-иқтисодий жараёнларини назарий ва амалий масалаларини ўрганиш ва уни мўътадил ривожлантиришнинг ечимларини топишда ҳамда бакалавриат таълими “микроиқтисодиёт” йўналиши бўйича мутахассисларни шаклланишида катта аҳамиятга эга. Ушбу фаннинг ютуқ ва хулосаларидан мамлакат реал сектор корхоналарини ривожлантиришнинг белгиланган дастурларини ишлаб чиқишда кенг фойдаланилади.

Фаннинг мақсади ва вазифалари

Фанни ўқитишдан асосий мақсад – иқтисодиёт соҳасида бакалавриат таълим йўналишларига Реал секторда инвестицион ва инновацион фаолият назарияси ва услубиятини ўргатиш, иқтисодиётнинг турли бўғинларига инвестицияни жалб этишни ташкил этиш бўйича билимларни бериш ҳисобланади.
«Инновация иқтисодиёти» курсини ўрганишнинг асосий вазифаси магистрларда реал сектор ва хўжалик юритувчи субъектларнинг инновацион сиёсати, стратегияси ва тактикасини белгилаб берувчи асосий омиллар ва шарт шароитларни белгилаш, инновацион лойиҳаларни ишлаб чиқиш ва амалга ошириш, уларнинг самарадорлигини баҳолаш бўйича билимлар мажмуини шакллантиришдан иборат.
Фан бакалавриат таълим йўналиши дастурига киритилган барча иқтисодий фанлар, айниқса “Иқтисодий тараққиёт назарияси”, “Саноат тармоқлари иқтисодиёти”, “Инқирозга қарши бошқарув”, “Реал секторда сифатни бошқариш”, “Реал секторда инвестицион ва инновацион фаолият” ва бошқа фанлар билан ўзаро узвий боғлиқдир.