Фани бўйича ўҚув-услубий мажмуа

Инновацион маркетингни шакллантиришнинг концептуал асослари

ХХI асрнинг иккинчи ва учинчи ўн йилликлардаги дунёнинг инновацион ўзгаришлари ишлаб чиқаришнинг постиндустриал иқтисодий услубининг шаклланиши билан ифодаланади. Гарчи бу жараён узоқ муддатли ва зиддиятли бўлсада, ҳозирданоқ унинг асосий жиҳатлари кўзга ташланмоқда.
Биринчидан, бу интеграл иқтисодий тузум. Бу хусусий мулкчиликка йўналтирилган, ҳар томонлама рақобатли кўринишдир. Бозор иқтисодиёти тадбиркорларнинг шахсий ташаббуслари ва инновацион фаоллиги билан ҳозирги ва келажакдаги авлодлар учун муносиб турмуш тарзини таъминлаш, давлатнинг маркетинг стратегик-инновацион функцияларини амалга ошириш, бозор иқтисодиётининг давлат томонидан тартибга солиниши ҳамда инсон капитали ва табиий ресурслар муҳитини такрор ишлаб чиқаришни таъминловчи нобозор секторининг ривожланиш даражаси юқорилиги билан болашга имкон беради.
Иккинчидан, бу кўп укладли иқтисодиёт бўлиб, унда ҳар бир иқтисодий уклад унга хос бўлган ўрин эгаллаб, бошқа укладлар устидан ҳукмронлик қилмайди ва улар билан уюнлашади. Бу ерда гап турли укладларнинг оптимал тарзда уюнлашуви ва ҳамкорлиги ҳақида боради:
- технологик ўсишни амалга оширувчи, монополияга қарши кураш бўйича кучли назорат ва диққат остида бўлган ишлаб чиқариш марказлашув даражаси юқори тармоқларда ишлаб чиқариш структурасини ўзгартирувчи йирик бизнес.
- миллионлаб фуқароларнинг тадбиркорлик ташаббуслари учун кенг имкониятлар очиб берувчи, инновацион фаолликнинг юқорилиги билан ажралиб турувчи, йирик ишлаб чиқаришдан бўшатилувчи ва меҳнат бозорига янги кириб келувчи ишчи кучиқинг бандлигини таъминловчи кичик ва ўрта бизнес.
- стратегик аҳамиятга эга тармоқлар ва нобозор секторида мужассамлашган ҳамда давлатнинг стратегик инновацион функцияларини амалга оширишни таъминловчи давлат уклади,
- аҳолининг ҳаёт фаолияти муҳитини (уй-жой-коммунал хўжалик ва атроф-муҳит муҳофазаси), маъанавий такрор ишлаб чиқариш салоҳиятидан фойдаланишни (мактаблар, маданий муассасалар ва хоказо) таъминловчи муниципал уклад;
- инсон фаолияти ва такрор ишлаб чиқаришда энг муҳим функцияларни бажарувчи, уй ва шахсий оилавий хўжалик билан ифодаланувчи натурал уклад.
Шуниси муҳимки, ҳар бир уклад унга хос бўлган функцияларни бажариш билан бирга эгаллаб турган ўрнида энг самарали бўлиши лозим, чунки иқтисодий ўсиш суръатлари ва ижтимоий-иқтисодий самарадорлик боғлиқ бўлади.

2.