Фани бўйича ўҚув-услубий мажмуа

Фаннинг ишлаб чиқаришдаги ўрни

Ушбу фан ишлаб чиқариш соҳаси билан чамбарчас боғлиқдир. Инновация иқтисодиёти авваламбор мамлакат иқтисодиёти қолаверса ҳар бир корхонанинг ривожланиши бўйича молиявий кўмак, бозор иқтисодиёти шароитида ишлаб чиқаришни ташкил этиш ва бошқаришнинг самарали усулларини жорий этиш, иқтисодий танлов қоидасини ва ишлаб чиқариш омиллари асосида унинг натижаларини асослаш, турли мукчилик шаклида инвестицияларни жалб этишни ташкил этиш ва улар фаолиятини бошқариш, бизнес ва тадбиркорлик тамойилларини ўрганиш ва уларга амал қилиш қоидаларини белгилаб беришни, реал сектор корхоналарини барқарор ривожланиши таъминлашга хизмат қилади. Иқтисодиётни модернизациялаш шароитида реал сектор корхоналарига инвестицияларни жалб қилиш тизимини янада ривожлантириш ва бунинг натижасида Инновация иқтисодиётини самарали ташкил этиш ва маблағларини тўғри сарфлаш куннинг муҳим вазифаларига айланиб бормоқда.

Фанни ўқитишдаги замонавий ахборот ва педагогик технологиялар
Талабаларнинг “Инновация иқтисодиёти” фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни татбиқ этиш муҳим аҳамиятга эга. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллар, виртуал стендлар ва макетлардан фойдаланилади. Маъруза, амалий ва лаборатория дарсларида мос равишдаги илғор педагогик ва ахборот технологияларидан ҳамда ўқув-услубий мажмуалардан фойдаланилади.

АСОСИЙ ҚИСМ

Фан бўйича маъруза мавзулари ва уларнинг мазмуни


1-Мавзу. Инновациялар назарияси: технология ва самарадорлик
Инновацион фаолият тушунчаси. Инновацион лойиҳа, инновацион жараён тушунчалари Технологиялар кўринишидаги инновациялар. Инновацион жараёнга таъсир қилувчи омиллар. Инновациялар тушунчаси ва уларнинг таснифи. 2015-2019 йилларда Ўзбекистон Республикаси саноатини ривожлантиришнинг устувор йўналишлари тўғрисидаги Қарори давлат дастурларидан ўрин олган ижтимоий-иқтисодий масалалар. Инновацион товарни яратиш жараёнининг босқичлари. Инновацион фаолиятни бошқариш тизимларига қўйиладиган асосий талаблар. Илмий-тадқиқот ва тажриба – конструкторлик ишларини бошқариш тизими.