Фани бўйича ўҚув-услубий мажмуа

Такрорлаш учун саволлар
1.Хизматлар соҳасидаги инновацияларга таъриф беринг.
2.Маркетинг инновациялари ва нархларни шакллантиришдаги инновацияларга таъриф беринг.
3.Ташкилий ва бизнесни юритишдаги инновациялар.
4.Жараёнлар бўйича ва маркетинг инновациялари ўртасидаги фарқнимада


7-мавзу. Саноатда инновацион моделлар(4 соат)

Режа:
7.1. Инновацион фаолиятни бошқариш услубиёти.

7.2. Инновацион жараённинг чизиқли модели ва уни жорий қилиш шартлари.
7.3. Инновацион фаолиятнинг бошқариш қонунияти.

2.1. Инновацион фаолиятни бошқариш услубиёти

“Жати Сенгуптанинг инновацион моделлар классфикацияси қуйидагича:

1. 
   Рақобатдош инновацион моделлар
   
2. 
   Техник инновациялар ва диффузион моделлар
   
3. 
   Курно-Нашнинг ортиқчалик самараси динамик модели
   
4. 
   Талабга оид инновацион модель”¹.
   

Инновация статикада ҳам, динамикада ҳам кўриб чиқилиши мумкин. Агар статикада янгилик киритиш бу янгиликларни тижоратлаштиришнинг якуний натижаси бўлса, динамикада янгиликларни яратиш, ўзлаштириш ватарқатиш мураккаб жараёни ҳисобланади.
Инновацион жараённинг моҳияти шунда намоён бўладики, у инновациялар ташаббуси билан чиқиш, янги маҳсулот ва операциялар ишлаб чиқиш, уларни бозорда сотиш ва диффузиялаш бўйича мақсадли йўналтирилган ҳаракатлар занжирини ифодалайди.
Янги маҳсулот (операция) асослаб берилгач, таклиф этилаётган инновациянинг маркетинг тадқиқотлари ўтказилади. Маркетинг тадқиқотлари давомида янги маҳсулот ёки операцияга талаб ўрганилади, агар улар лимитланадиган бўлса уларни чиқариш ҳажми ёки сони белгиланади, инновацияга бозорга кириб бораётган товар сифатида бахшида этиш лозим бўлган товар тавсифномалари ва истеъмол хусусиятлари аниқланади. Сўнгра инновацияни сотиш, яъни бозорда инновациянинг кичик партияси пайдо бўлиши, уни илгари суриш, самарадорлигини баҳолаш ва диффузиялаш амалга оширилади.
Қуйидаги жадвалда инновацион фаолиятга таъсир этувчи омиллар тизими кўрсатилган.