Фан: Ўзбекистонда амалга оширилган ислоҳотларнинг назарий концептуал масалалари

Камбағалликни қисқартиришда ҳар бир мамлакатда Ҳукумат даражасида қуйидаги чора-тадбирларни амалга ошириш талаб этилади:

• 
  ишлаб чиқаришни кенгайтириш орқали аҳолининг пул даромадлари кўпайиши учун шароит яратиш;
  
• 
  ижтимоий йўналтирилган бозор иқтисодиёти тамойилларини жорий қилиш ва даромадларни юқори ва паст даромадли шахслар ўртасида адолатли тақсимлаш мақсадида прогрессив солиққа тортиш усулидан фойдаланиш;
  
• 
  макроиқтисодий барқарорликни сақлаш; инфляцияга қарши сиёсат;
  
• 
  ўртача иш ҳақининг камида 40 фоизи миқдорида (Кейтц индекси) энг кам иш ҳақи миқдорини белгилаш;
  
• 
  ижтимоий дастурлар ва уларни амалга ошириш механизмларини ишлаб чиқиш;
  
• 
  ривожланиши паст бўлган ҳудудлардан аҳолининг иқтисодий иммиграциясини назорат қилиш (камбағаллик импортини камайтириш).
  
• 
  ижтимоий дастурлар ва уларни амалга ошириш механизмларини ишлаб чиқиш;
  
• 
  ривожланиши паст бўлган ҳудудлардан аҳолининг иқтисодий иммиграциясини назорат қилиш (камбағаллик импортини камайтириш).
  

Республикада камбағалликни қисқартириш борасида мақбул давлат сиёсатини амалга ошириш тизимини жорий этиш мақсадида Иқтисодий тараққиёт ва камбағалликни қисқартириш вазирлиги ташкил этилди. Камбағалликни қисқартириш белгиланди ва бу борасида вазирликнинг вазифалари:
давлат бошқаруви органлари, ННТ, жамоат ташкилотлари ҳамда халқаро молия институтлари ва хорижий ҳукумат молия ташкилотлари билан ҳамкорликда камбағалликни қисқартириш бўйича стратегия ва дастурларни ишлаб чиқиш, амалга ошириш ва мувофиқлаштириш;
камбағалликни қисқартиришнинг аниқ дастак ва механизмларини ишлаб чиқиш, хорижий тажрибани асосида камбағаллик даражасини аниқлаш мезонлари ва баҳолаш услубиятини, ижтимоий таъминотнинг минимал стандартлари ва меъёрий асосларини ишлаб чиқиш ва жорий этиш;
барқарор ривожланиш соҳасидаги миллий мақсад ва вазифаларга эришиш чора-тадбирларини амалга ошириш, яшаш минимуми ва минимал истеъмол саватини ҳисоблаш методологиясини ишлаб чиқиш ҳамда аҳоли даромадлари табақалашувини ўрганиш бўйича тизимли ишларни олиб бориш ҳамда уларнинг давлат мақсадли дастурлари билан ўзаро мувофиқлигини таъминлаш;
меҳнат бозори ва унинг таркибини сифат жиҳатдан ривожлантириш, ишчи кучи миграцияси жараёнларини таҳлил қилиш, такомиллаштириш ҳамда меҳнат ресурсларини тақсимлаш борасида ўзаро мувофиқликдаги ишларни олиб бориш;
инсон капиталини ривожлантириш бўйича дастурларни ишлаб чиқиш ва амалга ошириш.